Keralapolitics

ജി സുധാകരനെ അടുത്തയാഴ്ച സിപിഐഎം പുറത്താക്കും, ബിജെപിയിലേക്ക് സ്വാഗതം : കെ സുരേന്ദ്രന്‍

തിരുവനന്തപുരം : സിപിഐഎം നേതാവ് ജി സുധാകരനെ ബിജെപിയിലേക്ക് പരോക്ഷമായി സ്വാഗതം ചെയ്ത് ബിജെപി സംസ്ഥാന അധ്യക്ഷന്‍ കെ സുരേന്ദ്രന്‍. ജി സുധാകരനെ സിപിഐഎം പുറത്താക്കുമെന്നാണ് വിവരം. തെറ്റ് തിരുത്തുന്നതിന് പകരം തെരെഞ്ഞെടുപ്പില്‍ തിരിച്ചടി നല്‍കിയ ജനവിഭാഗത്തിന് മേല്‍ കൈയ്യുയര്‍ത്താനാണ് സിപിഐഎം ശ്രമിക്കുന്നതെന്ന് സുരേന്ദ്രന്‍ കുറ്റപ്പെടുത്തി. ജി സുധാകരനെ അടുത്തയാഴ്ച സിപിഐഎം പുറത്താക്കും. തെറ്റ് ചൂണ്ടിക്കാണിക്കുന്നവരെയാണ് പാര്‍ട്ടി പുറത്താക്കുന്നതെങ്കില്‍ അവരെ ബിജെപി ഇരുകൈയും നീട്ടി സ്വീകരിക്കും.

പിണറായി വിജയന്റെ കുടുംബ വാഴ്ചയും അധികാര ദുര്‍വിനിയോഗവുമാണ് കഴിഞ്ഞ ലോക്‌സഭ തെരഞ്ഞെടുപ്പില്‍ സിപിഎമ്മിന്റെ പരാജയത്തിന് പിന്നിലെന്ന് അദ്ദേഹം തുറന്നടിച്ചു. കേരളത്തില്‍ കുടുംബാധിപത്യ ഭരണമാണ് കാഴ്ച വയ്ക്കുന്നതെന്നും അത് ഇല്ലാതാക്കാന്‍ സിപിഐഎമ്മിന് കെല്‍പ്പുണ്ടോയെന്നും അദ്ദേഹം ചോദിച്ചു. ഭൂരിപക്ഷ സമുദായത്തെയും സാമൂഹിക സംഘടനകളെയും നേതാക്കന്മാരെയും ഭീഷണിപ്പെടുത്തി വരുതിയിലാക്കാനുള്ള ശ്രമമാണ് നടത്തുന്നത്. മത പുരോഹിതരെ പേരെടുത്ത് വിമര്‍ശിക്കുന്നുവെന്നും സുരേന്ദ്രന്‍ ആരോപിച്ചു. മറ്റുള്ളവരെ പഴി പറഞ്ഞ് അവരെ ഭയപ്പെടുത്തിയത് കൊണ്ട് കാര്യമില്ലെന്നും തെറ്റ് തിരുത്താന്‍ തയ്യാറാകണമെന്നും സുരേന്ദ്രന്‍ കൂട്ടിച്ചേര്‍ത്തു.

 

 

Related Articles

Back to top button
error: Content is protected !!