രണ്ടുവയസുകാരിയുടെ തിരോധാനം; സഹോദരന്റെ മൊഴിയില് വൈരുധ്യം
![](https://i0.wp.com/thodupuzhavartha.in/wp-content/uploads/2024/02/CHILD-MISSING-PETTA-670x370-1.jpg?resize=670%2C370&ssl=1?v=1708323396)
![](https://i0.wp.com/thodupuzhavartha.in/wp-content/uploads/2024/06/thodupuzha-second-one.jpg?resize=708%2C397&ssl=1)
തിരുവനന്തപുരം: പേട്ടയില് നിന്ന് കാണാതായ ബിഹാര് സ്വദേശികളുടെ രണ്ടുവയസുകാരിയെ തിരോധാനത്തില് മൂന്ന് ടീമുകളായി അന്വേഷണം നടക്കും. തിരുവനന്തപുരം ജില്ലയിലെ മുഴുവന് ഷാഡോ സംഘത്തെയും അന്വേഷണത്തിന് വിന്യസിച്ചു. തിരുവനന്തപുരത്തിന് പുറമേ മറ്റ് ജില്ലകളിലും കന്യാകുമാരിയും കേന്ദ്രീകരിച്ച് അന്വേഷണം നടക്കും. കുഞ്ഞിനെ തട്ടിക്കൊണ്ടുപോകലാണോയെന്ന് ഉറപ്പിച്ച് പറയാന് കഴിയില്ലെന്ന് കമ്മിഷണര് സി എച്ച് നാഗരാജു പറഞ്ഞു.
നിലവില് സിസിടിവികള് പരിശോധിക്കുകയാണ്. കുട്ടിയെ കാണാതായിട്ട് പത്ത് മണിക്കൂര് പിന്നിട്ടു. കുട്ടിയെ കുറിച്ച് വിവരങ്ങള് ലഭിക്കുന്നവര് കണ്ട്രോള് റൂമില് അറിയിക്കാന് പൊലീസ് അഭ്യര്ത്ഥിച്ചു. 0471 2743 195 എന്ന നമ്പറിലോ 112 എന്ന നമ്പറിലോ വിവരങ്ങള് അറിയിക്കാവുന്നതാണ്. കറുപ്പില് പുള്ളിയുള്ള ടീഷര്ട്ടാണ് കാണാതായ സമയത്ത് കുട്ടി ധരിച്ചിരുന്നത്. ഹൈദരാബാദ് സ്വദേശികളായ നാടോടി ദമ്പതികളായ അമര്ദ്വീപ് റമീനദേവി ദമ്പതികളുടെ മകള് മേരിയെയാണ് ഇന്ന് പുലര്ച്ചെ 2 മുതല് കാണാതായത്.
തിരുവനന്തപുരം പേട്ടയില് നാടോടി ദമ്പതികളുടെ മകളെ കാണാതായ സംഭവത്തില് തിരച്ചില് പത്താംമണിക്കൂറിലേക്ക്. മേരിയുടെ സഹോദരന്റെ മൊഴിയിലും വൈരുധ്യമെന്ന് സിറ്റി പൊലീസ് കമ്മീഷണർ സിഎച്ച് നാഗരാജു. സ്കൂട്ടറിലെത്തിയവർ ചോക്ലേറ്റ് നൽകി കുട്ടിയെ കൊണ്ടുപോയെന്നായിരുന്നു ആദ്യമൊഴി. പിന്നീട് തട്ടിക്കൊണ്ടുപോയെന്ന് കുട്ടികൾ തിരുത്തിയതായി പൊലീസ് അറിയിച്ചു.
കേസില് എല്ലാവശവും പരിശോധിക്കുന്നുവെന്ന് കമ്മിഷണര് അറിയിച്ചു. സിസിടിവി ദൃശ്യങ്ങള് പരിശോധിക്കുകയാണ് സമയമെടുക്കുമെന്നും പ്രാഥമികവിവരങ്ങള് പ്രകാരം പലവശങ്ങള് പരിശോധിക്കുന്നുവെന്നും കമ്മിഷണര് അറിയിച്ചു. കുട്ടിയുടെ സഹോദരന് പറഞ്ഞ പ്രകാരം സ്കൂട്ടറില്തന്നെയാണ് കുട്ടിയെ കൊണ്ടുപോയതെന്ന് ഉറപ്പിക്കാറായിട്ടില്ലെന്നും കൃത്യമായ ലീഡ് ഇതുവരെ കിട്ടിയിട്ടില്ലെന്നും
![](https://i0.wp.com/thodupuzhavartha.in/wp-content/uploads/2024/06/poster-thodupuzha-new-one-scaled.jpg?resize=708%2C2339&ssl=1)