സുവർണ ഭവനം പദ്ധതിയ്ക്ക് തുടക്കംകുറിച്ചു
ഇടുക്കി: ജില്ലയുടെ സുവർണ ജൂബിലി ആഘോഷങ്ങളുടെ ഭാഗമായി ജില്ലാ പഞ്ചായത്ത് നടപ്പാക്കുന്ന സുവർണ ഭവനം പദ്ധതി എം.എം. മണി എംഎൽഎ ഉദ്ഘാടനം ചെയ്തു.
ജില്ലയിലെ 52 പഞ്ചായത്തുകളിലെയും അർഹരായ ഒരു കുടുംബത്തിന് വീടു നിർമിച്ചുനൽകുന്ന പദ്ധതിയാണിത്. നാലു ലക്ഷം രൂപ നിർമാണചെലവു വരുന്ന വീടാണ് ഒരോ കുടുംബത്തിനും നിർമിച്ചുനൽകുന്നത്.
ജില്ലാ പഞ്ചായത്ത് പ്രസിഡന്റ് ഇൻ -ചാർജ് ഉഷാകുമാരി മോഹൻകുമാർ അധ്യക്ഷത വഹിച്ചു.
ബ്ലോക്ക് പഞ്ചായത്ത് പ്രസിഡന്റുമാരായ രാജി ചന്ദ്രൻ, ആനന്ദറാണി, ജില്ലാ പഞ്ചായത്ത് സ്റ്റാൻഡിംഗ് കമ്മിറ്റി ചെയർമാൻമാരായ എം.ഭവ്യ, ആശ ആന്റണി, ജോസഫ് കുരുവിള, കെ.ജി.സത്യൻ, സോളി ജീസസ്, സി.രാജേന്ദ്രൻ, ഷൈനി സജി, സി.വി.സുനിത, ഇന്ദു സുധാകരൻ, ഷൈനി റെജി, ജില്ലാ പ്ലാനിംഗ് ഓഫീസർ സാബു വർഗീസ്, പഞ്ചായത്ത് വകുപ്പ് ജോയിന്റ് ഡയറക്ടർ കെ.വി. കുര്യാക്കോസ്, പിഎയു പ്രോജക്ട് ഡയറക്ടർ സാജു സെബാസ്റ്റ്യൻ, ജില്ലാ പഞ്ചായത്ത് സെക്രട്ടറി പി.ജെ.തങ്കച്ചൻ എന്നിവർ പ്രസംഗിച്ചു.