മുട്ടം: മൂലമറ്റം റോഡിൽ മുട്ടം ടൗണിന് സമീപം നിർത്തിയിട്ടിരുന്ന കാറിൽ പിക്കപ്പ് ജീപ്പ് ഇടിച്ച് കാർ തകർന്നു.വ്യാഴാഴ്ച വൈകിട്ട് 5.30നാണ് അപകടം ഉണ്ടായത്.തൊടുപുഴ ഭാഗത്തേക്ക് പോകുന്നതിനായി റോഡരികിൽ നിർത്തിയിട്ടിരിക്കുന്ന കാറിലേക്ക് അതേ ദിശയിലേക്ക് അമിതവേഗതയിൽ വന്ന പിക്കപ്പ് ജീപ്പ് ഇടിച്ചുകയറുകയായിരുന്നു.മേലുകാവ് സ്വദേശിയായ യുവാവാണ് കാറിൽ ഉണ്ടായിരുന്നത്. ഇയാൾ പരിക്കേൽക്കാതെ രക്ഷപ്പെട്ടു.ഇടിയുടെ ആഘാതത്തിൽ കാറിന്റെ പിൻഭാഗം തകർന്ന നിലയിലായിരുന്നു.മുട്ടം പോലീസ് സ്ഥലത്തെത്തി മേൽനടപടി സ്വീകരിച്ചു.
