തൊടുപുഴ: കാറും ബൈക്കും ഇടിച്ച് അപകടത്തിൽ പരിക്കേറ്റ് ചികിത്സയിലിരുന്ന യുവാവ് മരിച്ചു. തൊടുപുഴ കുമ്പംകല്ല് കണ്ടത്തിൻ കര സലീമിന്റെ മകൻ ഹാഷിമാണ് മരിച്ചത് (കാച്ചി-39). മങ്ങാട്ടുകവല- വെങ്ങല്ലൂർ ബൈപാസിൽ ഞായറാഴ്ച രാത്രി 9 ഓടെയായിയുന്നു അപകടം. വെങ്ങല്ലൂർ ഭാഗത്തേക്ക് പോവുകയായിരുന്നു ഇരു വാഹനങ്ങളും. ഇരു ചക്ര വാഹനത്തിലാണ് ഹാഷിം സഞ്ചരിച്ചിരുന്നത്. വാഹനങ്ങൾ തമ്മിൽ ഇടിച്ചതിനെ തുടർന്ന് റോഡിലേക്ക് വീണ ഹാഷിമിന്റെ തലക്കാണ് പരിക്കേറ്റത്. ഉടൻ തന്നെ തൊടുപുഴയിലെ സ്വകാര്യ ആശുപത്രിയിലും പിന്നീട് എറണാകുളത്തേക്കും കൊണ്ടുപോയി. ഇവിടെ ചികിത്സയിലിരിക്കെ തിങ്കളാഴ്ച രാത്രിയാണ് മരണം സംഭവിക്കുന്നത്. ഭാര്യ: തട്ടക്കുഴ തൊട്ടിപ്പറമ്പിൽ ജിസ്ന. മക്കൾ: ഇശൽ ഫാത്തിമ, ഐദിൻ സൈറ.
