ജവഹർ നവോദയ വിദ്യാലയം കോറൽ ജൂബിലിയാഘോഷം
![](https://i0.wp.com/thodupuzhavartha.in/wp-content/uploads/2022/12/3c7ec852-fa01-4ab4-ae74-62a3301d3a86.png?resize=780%2C418&ssl=1?v=1672335180)
![](https://i0.wp.com/thodupuzhavartha.in/wp-content/uploads/2024/07/thodupuzha-ad-2.jpg?resize=708%2C430&ssl=1)
തൊടുപുഴ: കുളമാവ് ജവഹർ നവോദയ വിദ്യാലയത്തിന്റെ കോറൽ ജൂബിലിയാഘോഷം 31, ജനുവരി ഒന്ന് തീയതികളിൽ നടക്കുമെന്ന് അധികൃതർ അറിയിച്ചു.അലുംമ്നി അസോസിയേഷന്റെയും സ്കൂളിന്റെയും നേതൃത്വത്തിലാണ് ജൂബിലി ആഘോഷിക്കുന്നത്. ചടങ്ങിൽ 2500-ഓളം പൂർവവിദ്യാർഥികളും 500 സ്കൂൾ വിദ്യാർഥികളും അധ്യാപകരും അനധ്യാപകരും പിടിഎ പ്രതിനിധികളും പങ്കെടുക്കും.
ഒന്നിനു നടക്കുന്ന സമ്മേളനത്തിൽ മന്ത്രി റോഷി അഗസ്റ്റിൻ, ഡീൻ കുര്യാക്കോസ് എംപി, ജില്ലാ കളക്ടർ ഷീബ ജോർജ് എന്നിവർ പങ്കെടുക്കും. സംഘടനയുടെ വെബ്സൈറ്റ് ഉദ്ഘാടനവും ഇതോടൊപ്പം നിർവഹിക്കും. വിവിധ രംഗങ്ങളിൽ പ്രാഗത്ഭ്യം തെളിയിച്ച പൂർവ വിദ്യാർഥികളെയും അധ്യാപകരെയും അനധ്യാപകരെയും ആദരിക്കും. ജില്ലയിലെ 35 ഭിന്നശേഷി വിദ്യാർഥികൾക്ക് സംഘടനയുടെ നേതൃത്വത്തിൽ ധനസഹായം വിതരണം ചെയ്തുവരുന്നുണ്ട്.
ജൂബിലിയുടെ ഭാഗമായി സ്കൂളിന് പ്രത്യേക മെഡിസിൻ റൂമും സജ്ജമാക്കും. പ്രളയകാലയളവിലും സഹായം എത്തിക്കുന്നതിൽ സംഘടന മുന്നിട്ടിറങ്ങിയിരുന്നു.വാർത്തസമ്മേളനത്തിൽ പ്രിൻസിപ്പൽ എസ്.ജെ. അന്നശേരി, അലുംമ്നി അസോസിയേഷൻ സെക്രട്ടറി കെ.ജി. ജയൻ, ജോയിന്റ് സെക്രട്ടറിമാരായ കെ.എ. ഷിയാസ്, ആർ. രാജാറാം എന്നിവർ പങ്കെടുത്തു.
![](https://i0.wp.com/thodupuzhavartha.in/wp-content/uploads/2024/07/thodupuzha-1-scaled.jpg?resize=708%2C1726&ssl=1)