മൃഗസംരക്ഷണ വകുപ്പിലേക്ക് കരാര് അടിസ്ഥാനത്തില് നിയമനം
![](https://i0.wp.com/thodupuzhavartha.in/wp-content/uploads/2021/09/walkin-interview-500x500-copy.jpg?resize=500%2C286&ssl=1?v=1632325076)
![](https://i0.wp.com/thodupuzhavartha.in/wp-content/uploads/2024/06/thodupuzha-second-one.jpg?resize=708%2C397&ssl=1)
ഇടുക്കി: മൃഗസംരക്ഷണ വകുപ്പില് രാത്രികാല അടിയന്തര മൃഗചികിത്സാ സേവനത്തിന് ഇടുക്കി ബ്ലോക്കിലെയ്ക്ക് വെറ്ററിനറി ഡോക്ടറെ കരാര് അടിസ്ഥാനത്തില് നിയമിക്കുന്നു. രാത്രികാല സേവനത്തിന് താല്പര്യമുള്ള ബി വി എസ് സി അല്ലെങ്കില് എ എച്ച് യോഗ്യതയും കേരള സംസ്ഥാന വെറ്ററിനറി കൗണ്സിലില് രജിസ്ട്രേഷന് നേടിയിട്ടുള്ളതുമായ വെറ്ററിനറി ബിരുദധാരികള്ക്കാണ് അവസരം.
ജനുവരി 8ന് രാവിലെ 11 മണിക്ക് തൊടുപുഴ മങ്ങാട്ടുകവലയില് പ്രവര്ത്തിക്കുന്ന ഇടുക്കി ജില്ലാ മൃഗസംരക്ഷണ ഓഫീസില് വാക്ക് ഇന് ഇന്റര്വ്യൂ നടക്കും .
താത്പര്യമുള്ളവര് ബയോഡേറ്റ, വിദ്യാഭ്യാസ യോഗ്യത തെളിയിക്കുന്ന സര്ട്ടിഫിക്കറ്റ്, പ്രവര്ത്തിപരിചയം തെളിയിക്കുന്ന സര്ട്ടിഫിക്കറ്റ്, വെറ്ററിനറി കൗണ്സില് രജിസ്ട്രേഷന് സര്ട്ടിഫിക്കറ്റ് എന്നിവ സഹിതം എത്തേണ്ടതാണ്. വെറ്ററിനറി ബിരുദധാരികളുടെ അഭാവത്തില് വെറ്ററിനറി ഡോക്ടര് തസ്തികയിലേക്ക് റിട്ടയേര്ഡ് വെറ്ററിനറി ഡോക്ടര്മാരെയും പരിഗണിക്കുന്നതാണ്. നിയമനം എംപ്ലോയ്മെന്റില് നിന്നുള്ള നിയമനംവരെയോ അല്ലെങ്കില് 90 ദിവസം വരെയോ ആയിരിക്കും.
![](https://i0.wp.com/thodupuzhavartha.in/wp-content/uploads/2024/07/poster-thodupuzha-new-one-1-scaled.jpg?resize=708%2C2339&ssl=1)