ചിലവ് ഓലിക്കാമറ്റം വെള്ളാന്താനംആർപ്പാമറ്റം റോഡ് സഞ്ചാരയോഗ്യമാക്കണമെന്നാവശ്യപ്പെട്ട് പിഡബ്ല്യുഡി ഓഫീസിലേക്ക് മാർച്ചും ധർണയും…
![](https://i0.wp.com/thodupuzhavartha.in/wp-content/uploads/2021/10/images-2-16.jpeg?resize=300%2C455&ssl=1?v=1635647672)
![](https://i0.wp.com/thodupuzhavartha.in/wp-content/uploads/2024/07/thodupuzha-ad-2.jpg?resize=708%2C430&ssl=1)
കരിമണ്ണൂർ: ചിലവ് ഓലിക്കാമറ്റം വെള്ളാന്താനംആർപ്പാമറ്റം റോഡ് സഞ്ചാരയോഗ്യമാക്കണമെന്നാവശ്യപ്പെട്ട് പിഡബ്ല്യുഡി ഓഫീസിലേക്ക് മാർച്ചും ധർണയും നടത്തി. കോണ്ഗ്രസ് വെള്ളാന്താനം വാർഡ് കമ്മിറ്റിയുടെ നേതൃത്വത്തിൽ നടത്തിയ ധർണ കെപിസിസി മുൻ ജനറൽ സെക്രട്ടറി റോയി കെ. പൗലോസ് ഉദ്ഘാടനംചെയ്തു. ബൂത്ത് പ്രസിഡന്റ് ഉണ്ണികൃഷ്ണൻ അധ്യക്ഷത വഹിച്ചു.
ഇളംദേശം ബ്ലോക്ക് പഞ്ചായത്ത് പ്രസിഡന്റ് മാത്യു കെ. ജോണ്, ഡിസിസി മെംബർ ജോണ്സണ് കുര്യൻ, ടി.കെ. നാസർ, ബ്ലോക്ക് പ്രസിഡന്റ് എ.എം. ദേവസ്യ, ഉടുന്പന്നൂർ, കരിമണ്ണൂർ മണ്ഡലം പ്രസിഡന്റുമാരായ മനോജ് തങ്കപ്പൻ, ബേബി തോമസ്, ബ്ലോക്ക് പഞ്ചായത്ത് മെംബർമാരായ ജിജി സുരേന്ദ്രൻ, നൈസി ഡെനിൽ, മുൻ വാർഡ് മെംബർ ജോണി മാത്യു എന്നിവർ പങ്കെടുത്തു.
ഇളംദേശം ബ്ലോക്ക് പഞ്ചായത്ത്, ആലക്കോട്, ഉടുന്പന്നൂർ, കരിമണ്ണൂർ പഞ്ചായത്ത് ഓഫീസുകൾ, വില്ലേജ് ഓഫീസുകൾ എന്നിവിടങ്ങളിലേക്ക് ഉൾപ്പെടെ നിരവധി ആവശ്യങ്ങൾക്കായി എത്തുന്ന നൂറുകണക്കിനു കുടുംബങ്ങളാണ് റോഡ് തകർന്നുകിടക്കുന്നതുമൂലം ദുരിതം അനുഭവിക്കുന്നത്.
![](https://i0.wp.com/thodupuzhavartha.in/wp-content/uploads/2024/07/thodupuzha-1-scaled.jpg?resize=708%2C1726&ssl=1)