കേരളം മുതൽ ലണ്ടൻ വരെ സൈക്കിൾ യാത്ര; ഫായിസ് അഷറഫ് അലിയ്ക്ക് തൊടുപുഴയിൽ സ്വീകരണം
തൊടുപുഴ: സ്വാതന്ത്ര്യത്തിന്‍റെ 75 -ാം വാർഷികാഘോഷമായ ആസാദി കാ അമൃത മഹോത്സവത്തിന്റെ ഭാഗമായി ലോകരാജ്യങ്ങൾ പരസ്പര സ്നേഹത്തിൽ വർത്തിക്കുന്നതിനായി ഹൃദയത്തിൽനിന്നും ഹൃദയത്തിലേക്ക് എന്ന സന്ദേശവുമായി കോഴിക്കോട് സ്വദേശി ഫായിസ് അഷറഫ് അലി നടത്തുന്ന കേരളം മുതൽ ലണ്ടൻ വരെയുള്ള സൈക്കിൾ യാത്രയ്ക്ക് തൊടുപുഴയിൽ സ്വീകരണം നൽകി. ഓഗസ്റ്റ് 15ന് തിരുവനന്തപുരത്ത് മന്ത്രി വി. ശിവൻകുട്ടി യാത്ര ഫ്ളാഗ് ഓഫ് ചെയ്തു. വിവിധ ജില്ലകളിലൂടെ സ്വീകരണങ്ങൾ ഏറ്റുവാങ്ങിയാണ് ഫായിസ് അഷറഫ് അലി തൊടുപുഴയിൽ എത്തിയത്.
35 രാജ്യങ്ങളിലൂടെ 30,000 കിലോമീറ്റർ സഞ്ചരിച്ച് 450 ദിവസം കൊണ്ടാണ് ലണ്ടനിൽ എത്തുന്നത്. നഗരസഭ ചെയർമാൻ സനീഷ് ജോർജ് പൊന്നാട അണിയിച്ച് സ്വീകരിച്ചു.ജില്ലാ റോൾ ബോൾ അസോസിയേഷൻ ചെയർമാൻ ടി.ആർ. സോമൻ, സെക്രട്ടറി പി.കെ. രാജേന്ദ്രൻ, എക്കോവീലേഴ്സ് അംഗങ്ങളായ അലി റോഷൻ, ഡോ. അബ്ദുൽ നാസർ, സലിം പാറക്കൽ, മൗഷൂക്ക്, ജോയൽ എന്നിവർ പങ്കെടുത്തു.
