തൊടുപുഴ : സംസ്ഥാനത്ത് സിനിമാ തീയറ്ററുകൾ തുറക്കാൻ അനുകൂല സാഹചര്യമെന്ന് മന്ത്രി സജി ചെറിയാൻ. തീയറ്ററുകളും ഓഡിറ്റോറിയങ്ങളും തുറക്കുന്ന കാര്യം സർക്കാർ ഉടൻ പരിഗണിക്കുമെന്നും മന്ത്രി വ്യക്തമാക്കി.സംസ്ഥാനത്ത് കോവിഡ് ടെസ്റ്റ് പോസിറ്റീവ് ശതമാനം കുറയുന്നത് ആശ്വാസകരമാണെന്നും മന്ത്രി പറഞ്ഞു. ടിപിആർ നിരക്ക് എട്ട് ശതമാനത്തിൽ താഴെയെങ്കിലും വന്നാൽ മാത്രമേ തീയറ്ററുകൾ തുറക്കു എന്നാണ് സജി ചെറിയാൻ നേരത്തേ പറഞ്ഞിരുന്നത്.
