തൊടുപുഴ: വിമല പബ്ലിക് സ്കൂൾ സിൽവർജൂബിലിയോടനുബന്ധിച്ച് നടത്തിയ ഫുട്ബോൾ ടൂർണമെന്‍റിൽ മൂവാറ്റുപുഴ നിർമല പബ്ലിക് സ്കൂൾ ജേതാക്കളായി. തൊടുപുഴ ജയ്റാണി സ്കൂൾ രണ്ടാം സ്ഥാനവും നേടി. വിവിധ സ്കൂളുകളിൽ നിന്നായി എട്ടു ടീമുകൾ പങ്കെടുത്തു. മുൻ സന്തോഷ് ട്രോഫി താരം പി.എ. സലിംകുട്ടി മൽസരം കിക്ക് ഓഫ് ചെയ്തു. പ്രിൻസിപ്പൽ സിസ്റ്റർ എലൈസ് ഉദ്ഘാടനം ചെയ്തു. പിടിഎ പ്രസിഡന്‍റ് ടോം ജെ. കല്ലറയ്ക്കൽ, സ്കൂൾ സ്പോർട്സ് സെക്രട്ടറി ഏബ്രഹാം ഡാനി, വൈസ് പ്രിൻസിപ്പൽ സിസ്റ്റർ ലിസ്ബത്ത്, സ്റ്റാഫ് സെക്രട്ടറി സോണിയ ജോർജ്, എസ്. സുബിൻ, ജോബിസ് ജോസ് എന്നിവർ പ്രസംഗിച്ചു. വിജയികൾക്ക് സിസ്റ്റർ എലാസ് സമ്മാനദാനം നിർവഹിച്ചു.
