കോവിഡ് :പരീക്ഷകളും അഭിമുഖങ്ങളും മാറ്റിവെച്ചതായി പിഎസ്സി
![](https://i0.wp.com/thodupuzhavartha.in/wp-content/uploads/2022/01/images-5-1.jpeg?resize=768%2C399&ssl=1?v=1643036868)
![](https://i0.wp.com/thodupuzhavartha.in/wp-content/uploads/2024/07/thodupuzha-ad-2.jpg?resize=708%2C430&ssl=1)
വാഴക്കുളം : കോവിഡ് വ്യാപനത്തിന്റെ പശ്ചാത്തലത്തില് പരീക്ഷകളും അഭിമുഖങ്ങളും മാറ്റിവെച്ചതായി പിഎസ്സി. ഫെബ്രുവരി നാലാം തീയതിയിലെ കേരള വാട്ടര് അതോറിറ്റിയിലെ ഓപ്പറേറ്റര് തസ്തികയിലേയ്ക്കുള്ള ഒഎംആര് പരീക്ഷ ഒഴികെ ഫെബ്രുവരി ഒന്ന് മുതല് 19 വരെ നടത്തുവാന് നിശ്ചയിച്ചിരുന്ന എല്ലാ പരീക്ഷകളുമാണ് മാറ്റിവെച്ചത്.മാറ്റിവെച്ച പരീക്ഷകളുടെ പുതുക്കിയ തീയതി പിന്നീട് അറിയിക്കുന്നതാണെന്ന് പിഎസ്സി. അറിയിച്ചു. ഈമാസം 27 മുതല് ഫെബ്രുവരി 18 വരെ സംസ്ഥാനത്തൊട്ടാകെ നടത്തുവാന് നിശ്ചയിച്ചിരുന്ന പിഎസ്സി അഭിമുഖവും എറണാകുളം റീജിയണല് ഓഫീസില് 27ന് നടത്തുവാന് നിശ്ചയിച്ചിരുന്ന വാചാപരീക്ഷയും മാറ്റിവെച്ചു. പുതുക്കിയ തീയതി പിന്നീട് അറിയിക്കും.ഈ മാസം 25 മുതല് ഇനി ഒരു അറിയിപ്പ് ഉണ്ടാകുന്നതു വരെ വകുപ്പുതല പരീക്ഷ ഓണ്ലൈന് സര്ട്ടിഫിക്കറ്റ് നേരിട്ട് വിതരണം ചെയ്യുന്നതല്ലെന്നും പിഎസ്സി. അറിയിച്ചു.പ്രൊബേഷന്-ഡിക്ലറേഷന്, പ്രമോഷന് എന്നിവ ഡ്യൂ ആയിട്ടുള്ളവര് ഓഫീസ് മേലധികാരിയുടെ ശിപാര്ശ കത്ത് [email protected] എന്ന വിലാസത്തില് ഇ-മെയില് ചെയ്യുകയോ, ജോയിന്റ് സെക്രട്ടറി, വകുപ്പുതല പരീക്ഷ വിഭാഗം, കേരള പബ്ലിക് സര്വ്വീസ് കമ്മീഷന്, പട്ടം, തിരുവനന്തപുരം, 695004 എന്ന മേല്വിലാസത്തില് അയച്ചാലോ മതിയാകുന്നതാണ്.
![](https://i0.wp.com/thodupuzhavartha.in/wp-content/uploads/2024/07/thodupuzha-1-scaled.jpg?resize=708%2C1726&ssl=1)