തൊടുപുഴ: സജീവ സംഘടനാ പ്രവർത്തകരായ അധ്യാപകർ രാഷ്ട്രീയ സ്വാധീനം ഉപയോഗിച്ച് ഡയറ്റ് പോലുള്ള സ്ഥാപനങ്ങളിൽ കയറിക്കൂടി വിദ്യാഭ്യാസ ഓഫീസർമാരെ നോക്കുകുത്തിയാക്കി അധ്യാപകരെ പീഡിപ്പിക്കാൻ ശ്രമിച്ചാൽ ശക്തമായി നേരിടുമെന്ന് കെപിഎസ്ടിഎ സംസ്ഥാന സെക്രട്ടറി വി.എം ഫിലിപ്പച്ചൻ. കെപിഎസ്ടിഎ തൊടുപുഴ സബ് ജില്ലാ സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. ജിജി ജേക്കബ് അധ്യക്ഷത വഹിച്ചു. ഷിന്‍റോ ജോർജ് , ബിജോയ് മാത്യു, ജോളി മുരിങ്ങമറ്റം, പി.എം.നാസർ, ബിജു ജോസഫ് , ആർ.മിനിമോൾ , രാജിമോൻ ഗോവിന്ദ്, പി.എൻ. സന്തോഷ്, സജി മാത്യു എന്നിവർ പ്രസംഗിച്ചു. ഭാരവാഹികളായി പി.എൻ സന്തോഷ് -പ്രസിഡന്‍റ്, ഷിന്‍റോ ജോർജ് – സെക്രട്ടറി, രാജിമോൻ ഗോവിന്ദ് -ട്രഷറർ എന്നിവരെ തെരഞ്ഞെടുത്തു.
