ഓട്ടോ ചാർജിന്‍റെ മിനിമം ദൂരം ഒന്നര കിലോമീറ്ററാക്കി
തൊടുപുഴ: ഓട്ടോറിക്ഷയുടെ മിനിമം ചാർജ് 30 രൂപയാക്കി വർധിപ്പിച്ചപ്പോൾ സഞ്ചരിക്കാവുന്ന ദൂരം രണ്ടു കിലോമീറ്ററാക്കി കുറച്ചെങ്കിലും യൂണിയനുകളുടെ എതിർപ്പിനെ തുടർന്ന് ഇത് ഒന്നര കിലോമീറ്ററാക്കി കുറച്ചു. മുഖ്യമന്ത്രിയുമായി ചർച്ച നടത്തി മിനിമം ദൂരം ഒന്നര കിലോമീറ്ററാക്കി കുറയ്ക്കാൻ നിർദേശിച്ചതായി മന്ത്രി ആന്‍റണി രാജു അറിയിച്ചു. ഇന്നു ഗതാഗത വകുപ്പ് ഉദ്യോഗസ്ഥരുമായി ഇതു സംബന്ധിച്ച് ചർച്ച നടത്തും. ഉത്തരവ് ഉടൻ ഇറക്കുമെന്നും മന്ത്രി അറിയിച്ചു.
ഇതോടെ 30 രൂപ മിനിമം ചാർജിൽ ഒന്നര കിലോമീറ്റർ മാത്രമേ യാത്രക്കാർക്കു സഞ്ചരിക്കാൻ കഴിയൂ. നിലവിൽ 25 രൂപ മിനിമം ചാർജിൽ ഒന്നര കിലോമീറ്ററാണു സഞ്ചരിക്കാനാകുക. കിലോമീറ്റർ നിരക്ക് 12 രൂപയിൽ നിന്ന് 15 രൂപയാക്കി ഉയർത്തിയിരുന്നു. മിനിമം ചാർജിന് സഞ്ചരിക്കാവുന്ന ദൂരം രണ്ടു കിലോമീറ്ററാക്കി കുറച്ചതിനെതിരേ യൂണിയനുകൾ രംഗത്ത് എത്തിയിരുന്നു.
