കൊവിഡ് വാക്സിനേഷന് സര്ട്ടിഫിക്കറ്റില് നിന്ന് മോദി ചിത്രം നീക്കി, കൊവിഷീല്ഡ് വാക്സിനേഷന് വിവാദത്തിനിടെ നീക്കം
![](https://i0.wp.com/thodupuzhavartha.in/wp-content/uploads/2024/05/Capture-3.jpg?resize=780%2C428&ssl=1?v=1714624592)
![](https://i0.wp.com/thodupuzhavartha.in/wp-content/uploads/2024/06/thodupuzha-second-one.jpg?resize=708%2C397&ssl=1)
ന്യൂഡല്ഹി : ഇന്ത്യയില് കൊവിഡ് വാക്സീന് സ്വീകരിക്കുന്നവര്ക്ക് നല്കുന്ന വാക്സിനേഷന് സര്ട്ടിഫിക്കറ്റില് നിന്ന് പ്രധാനമന്ത്രി നരേന്ദ്ര മോദിയുടെ ചിത്രം നീക്കി. തെരഞ്ഞെടുപ്പ് പെരുമാറ്റച്ചട്ടത്തിന്റെ ഭാഗമായാണ് മോദിയുടെ ചിത്രം വാക്സീന് സര്ട്ടിഫിക്കറ്റില് നിന്നും നീക്കിയതെന്നാണ് വിശദീകരണം. എന്നാല് ഇന്ത്യയില് കൊവിഷീല്ഡ് എന്ന പേരില് അവതരിപ്പിച്ച കൊവിഡ് വാക്സീന് ഗുരുതര പാര്ശ്വഫലമുള്ളതായി വാക്സിന് കമ്പനി ആസ്ട്രസെനെക കഴിഞ്ഞ ദിവസം സമ്മതിച്ചിരുന്നു. ഈ സാഹചര്യത്തിലാണ് വാക്സീന് സര്ട്ടിഫിക്കറ്റില് നിന്നും മോദി ചിത്രം നീക്കാനുള്ള തീരുമാനമെന്നാണ് വിലയിരുത്തല്.
നേരത്തെ കൊവിഡ് സര്ട്ടിഫിക്കറ്റില് മോദി ചിത്രം നല്കുന്നതിനെതിരെ വലിയ പ്രതിഷേധവും വിമര്ശനവും ഉയര്ന്നിരുന്നുവെങ്കിലും കേന്ദ്ര സര്ക്കാര് തള്ളിക്കളയുകയായിരുന്നു. പുതിയ വിവാദങ്ങളുടെ പശ്ചാത്തലത്തിലാണ് നടപടി. കൊവിഷീല്ഡ് വാക്സീന് സ്വീകരിച്ച ശേഷം ഹൃദയാഘാതം വന്ന് മരിച്ചവരുടെ കുടുംബങ്ങള്ക്ക് കേന്ദ്രസര്ക്കാര് നഷ്ടപരിഹാരം നല്കണമെന്ന് കോണ്ഗ്രസ് ആവശ്യപ്പെട്ടു. കൊവിഷീല്ഡ് വാക്സീനെടുത്ത അപൂര്വ്വം ചിലരില് രക്തം കട്ടപിടിക്കുകയും, പ്ലേറ്റ്ലെറ്റ് കൗണ്ട് കുറയ്ക്കുകയും ചെയ്യുന്ന ടിടിഎസ് (ത്രോംന്പോസിസ് വിത്ത് ത്രോന്പോസൈറ്റോപ്പീനിയ) എന്ന അവസ്ഥയുണ്ടാകാമെന്നാണ് ആസ്ട്രസെനെക കമ്പനി യു.കെയിലെ കോടതിയെ അറിയിച്ചത്.
![](https://i0.wp.com/thodupuzhavartha.in/wp-content/uploads/2024/07/poster-thodupuzha-new-one-1-scaled.jpg?resize=708%2C2339&ssl=1)