![](https://i0.wp.com/thodupuzhavartha.in/wp-content/uploads/2024/02/sports_20230518163956.jpg?resize=780%2C470&ssl=1?v=1706876906)
![](https://i0.wp.com/thodupuzhavartha.in/wp-content/uploads/2024/06/thodupuzha-second-one.jpg?resize=708%2C397&ssl=1)
ഇടുക്കി : സ്പോര്ട്സ് കൗണ്സിലിന്റെ കീഴില് വിവിധ ജില്ലകളില് പ്രവര്ത്തിക്കുന്ന സ്കൂള്, പ്ലസ് വണ്, കോളേജ് സ്പോര്ട്സ് ഹോസ്റ്റലുകളിലേക്കും, കേന്ദ്രീകൃത സ്പോര്ട്സ് ഹോസ്റ്റലുകളിലേക്കും, അണ്ടര്-14 വുമണ് ഫുട്ബോള് അക്കാദമിയിലേക്കുമുളള സെലക്ഷന് ട്രയല്സ് ഏപ്രില് 16 മുതല് 30 വരെ വിവിധ ജില്ലകളില് നടക്കും. 2024 – 25 അധ്യായന വര്ഷത്തേക്ക് ഇടുക്കി ജില്ലയില് നിന്നുളള കായികതാരങ്ങളുടെ സ്പോര്ട്സ് ഹോസ്റ്റല് സോണല് സെലക്ഷന് ഏപ്രില് 22,23 തീയതികളില് രാവിലെ 8ന് ചങ്ങനാശ്ശേരി എസ്.ബി കോളേജ് ഗ്രൗണ്ടില് നടക്കും.
നിലവില് 6, 7, 10, 12 ക്ലാസ്സുകളില് പഠിക്കുന്ന കായിക താരങ്ങള്ക്ക് സോണല് സെലക്ഷനില് പങ്കെടുക്കാവുന്നതാണ്. ജൂഡോ, ഫെന്സിംഗ്, ആര്ച്ചറി, റസ്ലിങ്, നെറ്റ്ബോള്,(വെയ്റ്റ് ലിഫ്റ്റിംഗ്, സോഫ്റ്റ്ബോള് എന്നിവയ്ക്ക് കോളേജ് മാത്രം) എന്നി കായിക ഇനങ്ങളില് ആണ്കുട്ടികള്ക്കും പെണ്കുട്ടികള്ക്കും നേരിട്ട് ചങ്ങനാശ്ശേരിയില് നടക്കുന്ന സോണല് സെലക്ഷന് ട്രയല്സില് പങ്കെടുക്കാം. അത്ലറ്റിക്സ്, ബാസ്ക്കറ്റ്ബോള്, ഫുട്ബോള്, വോളീബോള് എന്നീ ഇനങ്ങളില് ജില്ലാ സെലക്ഷനില് പങ്കെടുത്ത് യോഗ്യത നേടിയവര്ക്ക് മാത്രമേ സോണല് സെലക്ഷനില് പങ്കെടുക്കുവാന് സാധിക്കുകയുള്ളൂ. 22 ന് സ്കൂള്,പ്ലസ് വണ് വിദ്യാര്ത്ഥികള്ക്കും, 23ന് കോളേജ് വിദ്യാര്ത്ഥികള്ക്കുമായാണ് സെലക്ഷന്.
നിലവില് 6,7 ക്ലാസ്സുകളില് പഠിക്കുന്ന കുട്ടികളായിരിക്കണം സ്കൂള് ഹോസ്റ്റല് സോണല്തല സെലക്ഷനില് പങ്കെടുക്കേണ്ടത്. 2024-25 വര്ഷം 7,8 ക്ലാസ്സുകളിലേക്കും, പ്ലസ് വണ്, കോളേജ് ഒന്നാം വര്ഷത്തേക്കുമാണ് പ്രവേശനം നടത്തുന്നത്. സംസ്ഥാന മത്സരങ്ങളില് ഒന്നും, രണ്ടും, മൂന്നും സ്ഥാനം നേടിയവര്ക്കും ദേശീയ മത്സരത്തില് പങ്കെടുത്തവര്ക്കും 9-ാം ക്ലാസ്സിലേക്ക് സോണല് സെലക്ഷനില് പങ്കെടുക്കാവുന്നതാണ്. ദേശീയ മത്സരങ്ങളില് മെഡല് നേടിയ കായിക താരങ്ങള്ക്ക് 7, 8, 9 ക്ലാസ്സുകളിലേക്ക് നേരിട്ട് അഡ്മിഷന് നല്കുന്നതാണ്. കനോയിംഗ് &കയാക്കിംഗ്, റോവിംഗ് എന്നി കായിക ഇനങ്ങളിലെ സെലക്ഷന് മെയ് 3ന് ആലപ്പുഴയില് നടത്തും. സ്വിമ്മിംഗ്, ബോക്സിംഗ്, തായ്ക്വോണ്ടാ, സെക്ലിംഗ്, ഹാന്ഡ്ബോള്, ഹോക്കി, കബഡി, ഖോ-ഖോ, എന്നി കായിക ഇനങ്ങളുടെ സെലക്ഷന് കണ്ണൂര്, കോഴിക്കോട്, ത്യശ്ശൂര്, തിരുവനന്തപുരം എന്നി ജില്ലകളില് നടക്കും. സെലക്ഷന് നടക്കുന്ന ജില്ലകളിലെ തീയതിയും സ്ഥലവും സ്പോര്ട്സ് കൗണ്സില് വെബ്സെറ്റില് ലഭ്യമാണ്.
തെരഞ്ഞെടുക്കപ്പെടുന്നവര്ക്ക് സൗജന്യ താമസം, വിദഗ്ദ പരിശീലനം, ഭക്ഷണം, കായിക ഉപകരണങ്ങള്, വാഷിംഗ് അലവന്സ്, സൗജന്യ വൈദ്യപരിശോധന എന്നിവ അനുവദിക്കുന്നതാണ്. സോണല് സെലക്ഷന് ട്രയല്സില് പങ്കെടുക്കുന്ന കുട്ടികള് ചങ്ങനാശ്ശേരി എസ്.ബി.കോളേജ് ഗ്രൗണ്ടില് 22,23 തീയതികളില് രാവിലെ 8ന് തന്നെ സ്പോര്ട്സ് കിറ്റ്, വയസ്സ് തെളിയിക്കുന്ന സര്ട്ടിഫിക്കറ്റ്, നിലവില് ഏതു ക്ലാസ്സില് പഠിക്കുന്നുവെന്ന് ഹെഡ്മാസ്റ്ററുടെയോ, പ്രിന്സിപ്പാളിന്റെയോ കത്ത്, സ്പോര്ട്സില് പ്രാവിണ്യം നേടിയ സര്ട്ടിഫിക്കറ്റ്, 2 പാസ്പോര്ട്ട് സൈസ് ഫോട്ടോ, ആധാര് കാര്ഡ് അല്ലെങ്കില് തിരിച്ചറിയല് കാര്ഡ്,അവയുടെ പകര്പ്പ് എന്നിവയുമായി ഹാജരാകേണ്ടതാണ്.
സോണല് സെലക്ഷനില് പങ്കെടുക്കുവാന് ആഗ്രഹിക്കുന്നവര് കേരളാ സ്റ്റേറ്റ് സ്പോര്ട്സ് കൗണ്സിലിന്റെ http://sportscouncil.kerala.gov.in എന്ന വെബ്സെറ്റില് നിര്ബന്ധമായും രജിസ്റ്റര് ചെയ്യേണ്ടതാണ്.കൂടുതല് വിവരങ്ങള്ക്ക് 04862 -232 499, 9895112027, 9496184765.
![](https://i0.wp.com/thodupuzhavartha.in/wp-content/uploads/2024/06/poster-thodupuzha-new-one-scaled.jpg?resize=708%2C2339&ssl=1)