![](https://i0.wp.com/thodupuzhavartha.in/wp-content/uploads/2024/04/mn.jpg?resize=780%2C411&ssl=1?v=1712397882)
![](https://i0.wp.com/thodupuzhavartha.in/wp-content/uploads/2024/06/thodupuzha-second-one.jpg?resize=708%2C397&ssl=1)
ന്യൂഡല്ഹി :ലോക്സഭ തെരഞ്ഞെടുപ്പിന് മുന്നോടിയായി കോണ്ഗ്രസ് പുറത്തിറക്കിയ പ്രകടന പത്രികക്കെതിരെ ആഞ്ഞടിച്ച് പ്രധാനമന്ത്രി നരേന്ദ്ര മോദി. മുസ്ലീംലീഗിന്റെ വിചാരധാരകള് നിറഞ്ഞതാണ് കോണ്ഗ്രസ് പ്രകടനപത്രികയെന്ന് മോദി ആരോപിച്ചു. സ്വാതന്ത്ര്യ സമര കാലത്ത് ലീഗില് നിലനിന്നിരുന്ന ചിന്താഗതിയാണ് പ്രതിഫലിക്കുന്നത്.അവശേഷിക്കുന്ന ഭാഗം ഇടത് പക്ഷത്തിന്റെ നിലപാടുകളെന്നും മോദി തുറന്നടിച്ചു. രാഷ്ട്ര നിര്മ്മാണത്തിനുള്ള ഒരു നിര്ദ്ദേശവും കോണ്ഗ്രസിന് സ്വന്തമായി ഇല്ല. ഈ പ്രകടനപത്രികയുമായി രക്ഷപ്പെടാന് കോണ്ഗ്രസിനാകില്ലെന്നും മോദി പറഞ്ഞു.
രാഹുല് ഗാന്ധി- അഖിലേഷ് യാദവ് കൂട്ടുകെട്ടിനെയും മോദി പരിഹസിച്ചു. ചെക്കന്മാരുടെ പടം പണ്ടേ പൊട്ടിയതാണെന്നും പൊട്ടിയ പടം വീണ്ടും റിലീസ് ചെയ്യുകയാണെന്നും മോദി പറഞ്ഞു. കോണ്ഗ്രസ്-എസ്പിയുടെയും പഴയ പഴയ സഖ്യം ഓര്മ്മപ്പെടുത്തിയാണ് മോദിയുടെ പരിഹാസം. അതേസമയം, മോദി ഭരണത്തില് രാജ്യം കടുത്ത നിരാശയിലെന്ന് കോണ്ഗ്രസ് നേതാവ് സോണിയ ഗാന്ധി വിമര്ശിച്ചു. മോദിയുടെ ഏകാധിപത്യം അവസാനിപ്പിക്കാന് പോരാടും. ജനാധിപത്യത്തെ ബിജെപി തകര്ത്തെന്നും സോണിയ ഗാന്ധി ആരോപിച്ചു.
![](https://i0.wp.com/thodupuzhavartha.in/wp-content/uploads/2024/07/poster-thodupuzha-new-one-1-scaled.jpg?resize=708%2C2339&ssl=1)