അറക്കുളത്ത് കാറ്റ് വ്യാപകമായ നാശം വിതച്ചു
മൂലമറ്റം: അറക്കുളം പഴയ പള്ളി, മുന്നൂങ്കവയൽ, കോട്ടയംമുന്നി പ്രദേശങ്ങളിൽ കാറ്റ് വ്യാപകമായ നാശം വിതച്ചു. വ്യാഴാഴ്ച വൈകുന്നേരമുണ്ടായ കൊടുങ്കാറ്റിൽ തുടിയംപ്ലാക്കൽ ബേബിയുടെ പുകപ്പുരയുടെ മേൽക്കൂര തകർന്നു. ജാതി, ഗ്രാന്പു കൃഷികൾ വ്യാപകമായി നശിച്ചു. ക്രിസ് കിണറ്റുകര, ഷാന്റി പാറയ്ക്കൽ, ബിബിൻ കൊല്ലപ്പള്ളിൽ, പഴയ പള്ളിവക സ്ഥലം, നിബി കൊട്ടാരം, ജോസഫ് മൈലാടൂർ, ജോബി മൈലാടൂർ, ജോയി അഞ്ചാനിക്കൽ, ബെന്നി കാണിയക്കാട്ടിൽ, ജോസ് തേക്കുംകാട്ടിൽ, ജോയി വാകയാനിയിൽ, ബാലകൃഷ്ണൻ തരകൻപറന്പിൽ എന്നിവരുൾപ്പെടെ 30ഓളം പേരുടെ കൃഷികൾ കാറ്റിൽ നശിച്ചു. ഷാന്റി പാറയ്ക്കലിന്റെ വീടിനും പുകപ്പുരയ്ക്കും നാശനഷ്ടമുണ്ടായി.