മൂലമറ്റം: പ്രധാനമന്ത്രിയുടെ ജന്മദിനത്തോടനുബന്ധിച്ച് 20 ദിവസം നീണ്ട് നില്‍ക്കുന്ന ആഘോഷത്തിന്റെ ഭാഗമായി കല്‍പ വൃക്ഷം നട്ട് നരേന്ദ്ര മോഡിയെ ആദരിച്ചു. യുവമോര്‍ച്ച അറക്കുളം പതിനാലാം വാര്‍ഡ് കമ്മറ്റിയുടെ ആഭിമുഖ്യത്തിലാണ് പന്ത്രണ്ടാം മൈലിലെ ഫലവൃക്ഷ തൈകള്‍ വളരുന്ന ‘കദളീവനം പാര്‍ക്കില്‍ ‘ തെങ്ങിന്‍ തൈ നട്ടത്. തൈ നടീല്‍ യുവമോര്‍ച്ച ജില്ലാ സെക്രട്ടറി അഭിരാം മേനോന്‍ ഉദ്ഘാടനം ചെയ്തു. വരും ദിവസങ്ങളില്‍ തൈകള്‍ നട്ടും,രക്തദാനം നടത്തിയും തോടുകള്‍ ശുചീകരിച്ചും പ്രധാനമന്ത്രിയുടെ ജന്‍മദിന ആഘോഷങ്ങള്‍ കൂടുതല്‍ കേന്ദ്രങ്ങളിലേക്ക് എത്തിക്കുകയാണ് യുവമോര്‍ച്ചയുടെ ലക്ഷ്യം.
