Thodupuzha
2021-22 വര്‍ഷത്തെ 10, 12 ക്ലാസ്‌ ബോര്‍ഡ്‌ പരീക്ഷകളില്‍ മാറ്റവുമായി സി.ബി.എസ്‌.ഇ. രണ്ട്‌ ടേമുകളിലായി ആകും പരീക്ഷ
തൊടുപുഴ : 2021-22 വര്‍ഷത്തെ 10, 12 ക്ലാസ്‌ ബോര്‍ഡ്‌ പരീക്ഷകളില്‍ മാറ്റവുമായി സി.ബി.എസ്‌.ഇ. രണ്ട്‌ ടേമുകളിലായി ആകും പരീക്ഷ. ഈ മാസം അവസാനത്തോടെ പുതുക്കിയ സിലബസ്‌ പുറത്തുവിടും. സിലബസിനെ രണ്ടായി ഭാഗിച്ചാകും ടേം പരീക്ഷ നടത്തുക. രണ്ട്‌ ടേമുകളിലെയും മാര്‍ക്കുകള്‍ കൂട്ടിചേര്‍ത്താകും അന്തിമ മാര്‍ക്ക്‌ ലിസ്‌റ്റ്‌.
നവംബര്‍- ഡിസംബര്‍ മാസങ്ങളിലാകും ആദ്യ ടേം പരീക്ഷ. രണ്ടാം ടേം പരീക്ഷ മാര്‍ച്ച്‌ -ഏപ്രില്‍ മാസങ്ങളില്‍ നടത്തും. സാഹചര്യങ്ങള്‍ വിലയിരുത്തി സി.ബി.എസ്‌.ഇയാകും പരീക്ഷാതീയതികള്‍ നിശ്‌ചയിക്കുക. 9, 10 ക്ലാസുകളില്‍ ഒരു ടേമില്‍ മൂന്ന്‌ പീരിയോഡിക്‌ പരീക്ഷകളുണ്ടാകും. 11, 12 ക്ലാസുകളില്‍ യൂണിറ്റ്‌ ടെസ്‌റ്റ്‌, പ്രാക്‌ടിക്കലുകള്‍, പ്രോജക്‌ടുകള്‍ എന്നിവയുടെ അടിസ്‌ഥാനത്തിലാകും ടേമിലെ മാര്‍ക്കുകള്‍ കണക്കാക്കുക.
