തൊടുപുഴ: സർക്കാരിന്‍റെ നൂറുദിന കർമ പരിപാടികളുടെ ഭാഗമായി ജില്ലയിൽ പൂർത്തിയാക്കിയ ജില്ലാതല റിസോഴ്സ് സെന്‍ററിന്‍റെ ഉദ്ഘാടനം 13 ന് നടക്കുമെന്ന് ജില്ലാപഞ്ചായത്ത് പ്രസിഡന്‍റ് ജിജി കെ. ഫിലിപ്പ് പത്രസമ്മേളനത്തിൽ അറിയിച്ചു. മന്ത്രി എം.വി. ഗോവിന്ദൻ ഉദ്ഘാടനം ചെയ്യും. മന്ത്രി റോഷി അഗസ്റ്റിൻ അധ്യക്ഷത വഹിക്കും. ഡീൻ കുര്യാക്കോസ് എംപി, എംഎൽഎമാരായ പി.ജെ. ജോസഫ്, എം.എം.മണി, വാഴൂർസോമൻ, എ.രാജ, മറ്റ് ജനപ്രതിനിധികൾ, ഉദ്യോഗസ്ഥർ എന്നിവർ പങ്കെടുക്കും.
പത്രസമ്മേളനത്തിൽ പഞ്ചായത്ത് ഡെപ്യൂട്ടി ഡയറക്ടർ കെ.വി. കുര്യാക്കോസ്, ജില്ലാ പഞ്ചായത്തംഗം പ്രഫ.എം.ജെ. ജേക്കബ് എന്നിവർ പങ്കെടുത്തു.
