വണ്ണപ്പുറം: വണ്ണപ്പുറം എസ്.എന്‍.എം.വി.എച്ച്.എസ്.എസ് സ്‌കൂളില്‍ 2022-23 അധ്യായന വര്‍ഷത്തെ എസ്.എസ്.എല്‍.സി പരീക്ഷയില്‍ എല്ലാ വിഷയങ്ങള്‍ക്കും എ പ്ലസ് നേടിയ കുട്ടികളെ ആദരിച്ചു. വിദ്യാരംഗം തൊടുപുഴ സബ് ജില്ലാ കോര്‍ഡിനേറ്ററും ജില്ലാ ഡെപ്യൂട്ടി കോര്‍ഡിനേറ്ററുമായ വിവിഷ് വി.റോള്‍ഡന്റ് മുഖ്യാതിഥിയായിരുന്നു. വിദ്യാര്‍ത്ഥികള്‍ക്കായി മോട്ടിവേഷന്‍ ക്ലാസും സംഘടിപ്പിച്ചു. സ്‌കൂള്‍ പ്രിന്‍സിപ്പല്‍ ബിന്ദുമതി പി .എസ്, ഹെഡ്മിസ്ട്രെസ് സിന്ധു ഡി എന്നിവര്‍ പ്രസംഗിച്ചു.
