തൊടുപുഴ: മൃഗസംരക്ഷണവകുപ്പിന്‍റെ വാ ഗമണിലുള്ള ലൈവ്സ്റ്റോക്ക് മാനേജ്മെൻറ് ട്രെയിനിംഗ് സെന്‍ററിന്‍റെ ആഭിമുഖ്യത്തിൽ വ്യാവസായിക ആടുവളർത്തൽ പദ്ധതിയെ സംബന്ധിച്ച് ജില്ലയിലെ തെരഞ്ഞെടുക്കപ്പെട്ട ഗുണഭോക്താക്കൾക്കായി പരിശീലന പരിപാടി സംഘടിപ്പിച്ചു.
ജില്ലാ മൃഗസംരക്ഷണ ഓഫീസർ ഡോ. ജയ ചാണ്ടി അധ്യക്ഷത വഹിച്ചു. മുനിസിപ്പൽ ചെയർമാൻ സനീഷ് ജോർജ് ഉദ്ഘാടനം ചെയ്തു. ജില്ലാ വെറ്ററിനറി കേന്ദ്രം ചീഫ് വെറ്ററിനറി ഓഫീസർ ഡോ. കുര്യൻ കെ. ജേക്കബ് പദ്ധതി വിശദീകരിച്ചു. എൽഎംടിസി അസിസ്റ്റന്‍റ് ഡയറക്ടർ ഡോ.കെ.കെ ഷാജി, വെറ്ററിനറി സർജൻ ഡോ. ശാലു എലിസബത്ത് സൈമണ്‍, ഡോ.ടി. ടിഗിൻ എന്നിവർ പ്രസംഗിച്ചു. ഡോ. വീണ മേരി എബ്രഹാം, ഡോ. കുര്യാക്കോസ് മാത്യു, ഡോ.ജി.എസ്. മധു , എം.എസ് സുരേഷ് എന്നിവർ ക്ലാസുകൾ നയിക്കും.
