തൊടുപുഴ: വണ്ടിപ്പെരിയാറില്‍ കേസ് രാഷ്ട്രീയ സ്വാധീനം മൂലം പോലീസ് അട്ടിമറിച്ചാണ് പ്രതി രക്ഷപ്പെടാന്‍ ഇടയാക്കിയതെന്ന് ഹിന്ദു ഐക്യവേദി. ബാലികയെ ക്രൂരമായി ബലാത്സംഗം ചെയ്ത് കൊന്ന് കെട്ടി തൂക്കിയ സംഭവത്തിലുണ്ടായ ഈ വീഴ്ച അതീവ ഗുരുതരമാണ്. കേസ് അന്വേഷണം സിബിഐയെ ഏല്പിക്കാന്‍ സംസ്ഥാന സര്‍ക്കാര്‍ തയാറാകണമെന്നും അല്ലാത്തപക്ഷം നിയമപരമായ നടപടികള്‍ കോടതിവഴി നടത്തുമെന്നും ജില്ലാ പ്രസിഡന്റ് ടി.കെ. രാജു ജില്ലാ ജന. സെക്രട്ടറി പി.ജി. ജയകൃഷ്ണന്‍ എന്നിവര്‍ പ്രസ്താവനയിലൂടെ അറിയിച്ചു.
