തൊടുപുഴ: കനത്ത മഴയെ തുടർന്ന് ജില്ലയിൽ സമാനതകളില്ലാത്ത ദുരിതമുണ്ടായിരിക്കുന്ന സാഹചര്യത്തിൽ അടിയന്തര സഹായമെത്തിക്കണമെന്ന് കേരള കോണ്ഗ്രസ് ജില്ലാ പ്രസിഡന്‍റ് പ്രഫ. എം.ജെ. ജേക്കബ് ആവശ്യപ്പെട്ടു. ഒട്ടേറെ വീടുകളും ഏക്കറുകണക്കിന് കൃഷി സ്ഥലങ്ങളും മഴവെള്ള പാച്ചിലിൽ ഒലിച്ചുപോയി.
അറക്കുളം, കുടയത്തൂർ, ഉടുന്പന്നൂർ എന്നീ പഞ്ചായത്തുകളിലാണ് വലിയ നാശനഷ്ടമുണ്ടായിരിക്കുന്നത്. യുദ്ധകാലാടിസ്ഥാനത്തിൽ സഹായം എത്തിക്കാൻ സർക്കാർ തയാറാകണമെന്ന് എം.ജെ. ജേക്കബ് ആവശ്യപ്പെട്ടു.
