കുളമാവ് ഡാമിൽ കാണാതായ ആളെ കണ്ടെത്തിയില്ല
![](https://i0.wp.com/thodupuzhavartha.in/wp-content/uploads/2023/04/7771b351-b8de-4f52-85a8-43c060c5d109.jpg?resize=780%2C470&ssl=1?v=1682598653)
![](https://i0.wp.com/thodupuzhavartha.in/wp-content/uploads/2024/06/thodupuzha-second-one.jpg?resize=708%2C397&ssl=1)
കളമാവ്: മത്സ്യ ബന്ധനത്തിനിടയിൽ കുളമാവ് ജലാശയത്തിൽ ഫൈബർ വള്ളം മുങ്ങി കാണാതായ കോഴിപ്പിള്ളി വല്ല്യവീട്ടിൽ ദിവാകരനെ രണ്ടാം ദിവസവും കണ്ടെത്താനായില്ല. ഫയർഫോഴ്സിന്റെ സ്കുബാ ടീമും ഈരാറ്റുപേട്ട ന· സംഘടനയുടെ പ്രവർത്തകരും ചേർന്നാണ് തെരച്ചിൽ നടത്തിയത്. കുളമാവ് എൻപിഒഎൽ ടീം നൽകിയ ബോട്ടുകളും തെരച്ചിലിന് ഉപയോഗിച്ചു.
കുളമാവ് എസ്.ഐ. നസീറിന്റെ നേതൃത്വത്തിൽ പോലീസ് സംഘവും സ്ഥലത്തുണ്ടായിരുന്നു. ഇന്നലെ വൈകുന്നേരത്തോടെ തെരച്ചിൽ അവസാനിപ്പിച്ചു. എഡിഎമ്മിന്റെ നിർദേശ പ്രകാരം ഇന്നു തെരച്ചിൽ പുനരാരംഭിക്കും. വ്യാഴാഴ്ച ഉച്ചയ്ക്ക് 12.30 ഓടെയാണ് മൂന്നംഗ സംഘം ഡാമിൽ മീൻ പിടിക്കാൻ പോയത്. ദിവാകരനൊപ്പമുണ്ടായിരുന്ന ബാബുക്കുട്ടൻ, അതീഷ് എന്നിവരെ നാട്ടുകാർ രക്ഷപ്പെടുത്തിയിരുന്നു.
![](https://i0.wp.com/thodupuzhavartha.in/wp-content/uploads/2024/07/poster-thodupuzha-new-one-1-scaled.jpg?resize=708%2C2339&ssl=1)