വെള്ളിയാമറ്റം സെന്റ് ജോസഫ്സ് പള്ളിയില് ഊട്ടുനേര്ച്ച
തൊടുപുഴ : നവതിയുടെ നിറവിലെത്തിയ തീര്ത്ഥാടന കേന്ദ്രമായ വെള്ളിയാമറ്റം സെന്റ് ജോസഫ്സ് പള്ളിയില് വിശുദ്ധ യൗസേപ്പിതാവിന്റെ തിരുനാളിന്റെയും ഊട്ടുനേര്ച്ചയുടെയും ഒരുക്കം പൂര്ത്തിയായതായി വികാരി ഫാ.മാത്യു മഠത്തില് അറിയിച്ചു. ഞായറാഴ്ച വൈകിട്ട് 4.45ന് ജപമാല, 5ന് കഴുന്ന് പ്രദക്ഷിണം, 5.15ന് നൊവേന.തുടര്ന്ന് വിശുദ്ധകുര്ബാന-ഫാ. ജയിംസ് വെട്ടുകല്ലേല്. പ്രസംഗം-ഫാ.ജേക്കബ് റാത്തപ്പിള്ളില്.
നാളെ വൈകിട്ട് 4.30ന് ജപമാല, നൊവേന. 5.15ന് വിശുദ്ധകുര്ബാന-ഫാ.സജി പൂവത്തുകാട്.പ്രസംഗം-ഫാ. മാത്യു വട്ടമാക്കല്. തുടര്ന്ന് പ്രദക്ഷിണം-ഫാ. ടിന്റോ തോണിക്കുഴി. പ്രധാന തിരുനാള് ദിനമായ 19ന് രാവിലെ 9.15ന് ദിവ്യകാരുണ്യ ആരാധന, ജപമാല, നൊവേന.
10ന് തിരുനാള് സമൂഹബലി-ഫാ. ഫ്രാന്സിസ് കമ്പോളത്ത്, ഫാ. വിജോഷ് മുള്ളൂര്, ഫാ. ടിന്റോ തോണിക്കുഴി. തുടര്ന്ന് പ്രദക്ഷിണം. ആയിരങ്ങള് പങ്കെടുക്കുന്ന ഊട്ടുനേര്ച്ച എന്നിവ നടക്കുമെന്ന് ഇടവക സെക്രട്ടറി ജോബി ജോസഫ്, ജനറല് കണ്വീനര് ഷൈജു കുശവര്കുന്നേല്, പബ്ലിസിറ്റി കണ്വീനര് ഷാജി മുതുകുളം എന്നിവര് അറിയിച്ചു.