തൊടുപുഴ :റോഡിലേക്ക് മരം കടപുഴകി വീണ് അരമണിക്കൂറോളം ഗതാഗതം തടസ്സപ്പെട്ടു. മലങ്കര എസ്റ്റേറ്റിന്റെ ഉടമസ്ഥതയിലുളള മരമാണ് റോഡിലേക്ക് വീണത്. വ്യാഴാഴ്ച 4:45 ഓടെയാണ് മുട്ടം എഞ്ചിനീയറിംങ് കോളേജിന്റെ എതിര്‍വശത്തേക്ക് മരം കടപുഴകി വീണത്. തൊടുപുഴ ഫയര്‍ ഫോഴ്സ് പ്രവര്‍ത്തകര്‍ എത്തി മരം മുറിച്ചു മാറ്റിയതിനെ തുടര്‍ന്നാണ് ഗതാഗതം പുനഃസ്ഥാപിച്ചത്. സ്റ്റേഷന്‍ ഓഫീസര്‍ അബ്ദുല്‍സലാമിന്റെ നേതൃത്വത്തിലാണ് രക്ഷാപ്രവര്‍ത്തനം നടന്നത്.
