തെക്കന് കേരളത്തിലും മധ്യകേരളത്തിലും ഇന്ന് ശക്തമായ മഴയ്ക്ക് സാധ്യത
![](https://i0.wp.com/thodupuzhavartha.in/wp-content/uploads/2021/09/kerala-rain-alert-pti-1620918924.jpg?resize=780%2C470&ssl=1?v=1630755025)
![](https://i0.wp.com/thodupuzhavartha.in/wp-content/uploads/2024/06/thodupuzha-second-one.jpg?resize=708%2C397&ssl=1)
തിരുവനന്തപുരം : സംസ്ഥാനത്ത് മഴ തുടരും. തെക്കന് കേരളത്തിലും മധ്യകേരളത്തിലും ഇന്ന് ശക്തമായ മഴയ്ക്ക് സാധ്യതയെന്ന് കേന്ദ്ര കാലാവസ്ഥ വകുപ്പിന്റെ മുന്നറിയിപ്പ്. തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി ജില്ലകളില് യെല്ലോ അലേര്ട്ട് പ്രഖ്യാപിച്ചു. മലപ്പുറം, കണ്ണൂര് ജില്ലകളില് നാളെ യെല്ലോ മുന്നറിയിപ്പ് നല്കി.മലയോര മേഖലകളില് ജാഗ്രത നിര്ദേശം നല്കി. ഇടിമിന്നലോട് കൂടിയ മഴയ്ക്കാണ് സാധ്യത.കേരള തീരത്ത് ഉയര്ന്ന തിരമാലയ്ക്കും കടലാക്രമണത്തിനും സാധ്യതയുള്ളതിനാല് മത്സ്യതൊഴിലാളികളും തീരദേശവാസികളും ജാഗ്രത പാലിക്കണം. കേരള കര്ണാടക ലക്ഷദ്വീപ് തീരങ്ങളില് മത്സ്യ ബന്ധനത്തിന് തടസ്സമില്ല. തെക്ക്കിഴക്കന് ജാര്ഖണ്ഡിന് മുകളില് സ്ഥിതി ചെയ്യുന്ന ന്യൂനമര്ദത്തിന്റെയുംകച്ചിന് മുകളില് നിലനില്ക്കുന്ന ചക്രവാതച്ചുഴിയുടെയും സ്വാധീനമാണ് സംസ്ഥാനത്ത് മഴ സജീവമാകാന് കാരണം.
![](https://i0.wp.com/thodupuzhavartha.in/wp-content/uploads/2024/07/poster-thodupuzha-new-one-2-scaled.jpg?resize=708%2C2339&ssl=1)