ഇ​റ​ച്ചി​ക്കോ​ഴി വി​ലവർധന: ഹോ​ട്ട​ൽ, റ​സ്റ്റ​റ​ന്‍റു ന​ട​ത്തി​പ്പു​കാ​ർ പ്ര​തി​സ​ന്ധി​യി​ൽ

തൊ​ടു​പു​ഴ: ഇ​റ​ച്ചി​ക്കോ​ഴി വി​ല നൂ​റു രൂ​പ​യ്ക്കു മു​ക​ളി​ൽ എ​ത്തി​യി​ട്ട് ആ​ഴ്ച​ക​ൾ പി​ന്നി​ട്ട​തോ​ടെ ഹോ​ട്ട​ൽ, റ​സ്റ്റ​റ​ന്‍റു ന​ട​ത്തി​പ്പു​കാ​ർ പ്ര​തി​സ​ന്ധി​യി​ൽ. ലോ​ക്ഡൗ​ണി​നേത്തുട​ർ​ന്നു അ​ട​ച്ചി​ട്ട ഈ ​സ്ഥാ​പ​ന​ങ്ങ​ൾ തു​റ​ന്നു പ്ര​വ​ർ​ത്തി​ക്കാ​ൻ തു​ട​ങ്ങി​യി​ട്ട് ചു​രു​ക്കം ദി​വ​സ​ങ്ങ​ളേ ആ​യി​ട്ടു​ള്ളൂ. ചി​ല സ്ഥാ​പ​ന​ങ്ങ​ളി​ൽ നേ​ര​ത്തേ മുത​ൽ പാ​ഴ്സ​ൽ ന​ൽ​കി​വ​ന്നി​രു​ന്നു. ഹോ​ട്ട​ലു​ക​ളി​ലും മ​റ്റും കോ​ഴി​യി​റ​ച്ചി​ക്ക് ആ​വ​ശ്യ​ക്കാ​ർ ഏ​റെ​യാ​ണ്.അ​തി​നാ​ൽ ഇ​വ ഓ​രോ ദി​വ​സ​ത്തെ​യും ഭ​ക്ഷ​ണ​മെ​നു​വി​ൽ നി​ന്നും ഒ​ഴി​വാ​ക്കാ​നും ക​ഴി​യി​ല്ല. എ​ന്നാ​ൽ ഇ​റ​ച്ചി​ക്കോ​ഴി വി​ല കു​തി​ച്ചു​യ​ർ​ന്ന​തോ​ടെ ന​ഷ്ടം സ​ഹി​ച്ചാ​ണ് വി​ഭ​വ​ങ്ങ​ൾ ന​ൽ​കു​ന്ന​തെ​ന്നാ​ണ് ഹോ​ട്ട​ൽ ഉ​ട​മ​ക​ൾ പ​റ​യു​ന്ന​ത്. നേ​ര​ത്തെ കി​ലോ​യ്ക്ക് 75-90 രൂ​പ നി​ര​ക്കി​ൽ ല​ഭി​ക്കു​മാ​യി​രു​ന്ന കോ​ഴി​യി​റ​ച്ചി​ക്ക് നി​ല​വി​ൽ 135-140 രൂ​പ​യാ​ണ് വി​ല. നേ​ര​ത്തെ ല​ഭി​ച്ചി​രു​ന്ന​തി​ന്‍റെ ഇ​ര​ട്ടി​യോ​ളം വി​ല​ന​ൽ​കി കോ​ഴി​യി​റ​ച്ചി വാ​ങ്ങേ​ണ്ടി വ​രു​ന്ന​താ​ണ് ഉ​ട​മ​ക​ളെ ബു​ദ്ധി​മു​ട്ടി​ലാ​ക്കു​ന്ന​ത്.കോ​വി​ഡ് ദു​രി​ത കാ​ല​യ​ള​വി​ൽ ഹോ​ട്ട​ലു​ക​ളി​ൽ വി​ഭ​വ​ങ്ങ​ൾ​ക്ക് ഒ​രു​പ​രി​ധി ക​ഴി​ഞ്ഞ് വി​ല ഉ​യ​ർ​ത്തി​യാ​ൽ ക​ച്ച​വ​ടം ഇ​ല്ലാ​ത്ത സ്ഥി​തി​യു​ണ്ടാ​കു​മെ​ന്ന​തി​നാ​ൽ അ​തി​നും നി​വൃ​ത്തി​യി​ല്ല. കോ​വി​ഡി​നേത്തുട​ർ​ന്നു ഏ​ർ​പ്പെ​ടു​ത്തി​യ ലോ​ക്ഡൗ​ണി​ൽ കോ​ഴി​ക്കു​ഞ്ഞു​ങ്ങ​ളെ ല​ഭി​ക്കാ​നു​ണ്ടാ​യ കാ​ല​താ​മ​സം മൂ​ലം ഉ​ത്പാ​ദ​നം കു​റ​ഞ്ഞ​താ​ണ് നി​ല​വി​ലെ വി​ല വ​ർ​ധ​ന​വി​ന് കാ​ര​ണ​മെ​ന്നാ​ണ് ഫാം ​അ​ധി​കൃ​ത​ർ പ​റ​യു​ന്ന​ത്.എ​ന്നാ​ൽ കോ​ഴി​ത്തീ​റ്റ​യു​ടെ വി​ല കു​ത്ത​നെ ഉ​യ​ർ​ന്ന​തും വി​ല​വ​ർ​ധ​ന​വി​ന് കാ​ര​ണ​മാ​യി​ട്ടു​ണ്ട്. തീ​റ്റ​വി​ല ഉ​യ​ർ​ന്ന​തോ​ടെ ന​ഷ്ടം സ​ഹി​ച്ച് ഫാ​മു​ക​ൾ ന​ട​ത്തി​ക്കൊ​ണ്ടു​പോ​കാ​നാ​കാ​തെ നി​ര​വ​ധി​ചെ​റു​കി​ട ഫാ​മു​ക​ൾ അ​ട​ച്ചു​പൂ​ട്ടി​യതും ഉ​ത്പാ​ദ​ന​ത്തെ സാ​ര​മാ​യി ബാ​ധി​ച്ചി​ട്ടു​ണ്ട്. ഇ​തും വി​ല​വ​ർ​ധ​ന​വി​ന് ഇ​ട​യാ​ക്കി​യി​ട്ടു​ണ്ട്. നി​ല​വി​ലെ സാ​ഹ​ച​ര്യ​ത്തി​ൽ വി​ല കു​റ​യാ​ൻ നാ​ളു​ക​ളെ​ടു​ക്കു​മെ​ന്ന സൂ​ച​ന​യാ​ണ് ല​ഭി​ക്കു​ന്ന​ത്.