മുട്ടം: മഴക്കാല പകര്‍ച്ച വ്യാധികള്‍ തടയുന്നതിനുള്ള മുന്നൊരുക്കത്തിന്റെ ഭാഗമായി വ്യാഴാഴ്ചരാവിലെ 8.30 മുതല്‍ മുട്ടം പഞ്ചായത്തിലെ വിവിധ സ്ഥലങ്ങള്‍ കേന്ദ്രീകരിച്ച് ശുചീകരണ യജ്ഞം സംഘടിപ്പിക്കും. ജനപ്രതിനിധികള്‍, ആരോഗ്യ വകുപ്പ്, മര്‍ച്ചന്റ് അസോസിയേഷന്‍, കുടുംബശ്രീ – തൊഴിലുറപ്പ് പ്രവര്‍ത്തകര്‍, ആശാവര്‍ക്കര്‍മാര്‍, ഹരിതകര്‍മ സേനാംഗങ്ങള്‍, അംഗന്‍വാടി – സര്‍ക്കാരിന്റെ വിവിധ വകുപ്പിലെ ജീവനക്കാര്‍, സ്‌കൂള്‍ – കോളജ് വിദ്യാര്‍ത്ഥികള്‍, വിവിധ സാമൂഹിക – സാംസ്‌കാരിക – രാഷ്ട്രിയ സംഘടന പ്രവര്‍ത്തകര്‍ തുടങ്ങിയവര്‍ ശുചീകരണ യഞ്ജത്തില്‍
പങ്കെടുക്കുമെന്ന് പ്രസിഡന്റ് ഷേര്‍ളി അഗസ്റ്റിന്‍ അറിയിച്ചു. തുടര്‍ന്നുള്ള എല്ലാ ഞായറാഴ്ചകളിലും വാര്‍ഡ് തലങ്ങളില്‍ ശുചീകരണ പ്രവര്‍ത്തനങ്ങള്‍ സംഘടിപ്പിക്കുന്നതിന് മാസ്റ്റര്‍ പ്ലാന്‍ തയ്യാറാക്കുമെന്നും പ്രസിഡന്റ് അറിയിച്ചു.
