അതിഥി പോർട്ടൽ രജിസ്ട്രേഷന് നാളെ തുടക്കം
![](https://i0.wp.com/thodupuzhavartha.in/wp-content/uploads/2023/08/WhatsApp-Image-2023-08-06-at-18.28.02.jpeg?resize=780%2C470&ssl=1?v=1691326708)
![](https://i0.wp.com/thodupuzhavartha.in/wp-content/uploads/2024/06/thodupuzha-second-one.jpg?resize=708%2C397&ssl=1)
തിരുവനന്തപുരം: അതിഥി പോര്ട്ടല് വഴിയുള്ള രജിസ്ട്രേഷന് നടപടികള്ക്ക് സംസ്ഥാനതലത്തില് നാളെ തുടക്കമാകും. സംസ്ഥാനത്തെത്തുന്ന മുഴുവന് അതിഥി തൊഴിലാളികളെയും വകുപ്പിന് കീഴില് രജിസ്റ്റര് ചെയ്യിക്കുന്നതിനുള്ള കഠിന പ്രയത്നവുമായി തൊഴില് വകുപ്പ്. അതിഥി തൊഴിലാളി രജിസ്ട്രേഷന് സമ്പൂര്ണമാക്കാന് തൊഴില് വകുപ്പ് ഉദ്യോഗസ്ഥര് യുദ്ധകാലാടിസ്ഥാനത്തില് പ്രവര്ത്തിക്കണമെന്ന് മന്ത്രി വി ശിവന്കുട്ടി നിര്ദ്ദേശിച്ചു. അതിഥി തൊഴിലാളികള് എല്ലാവരും രജിസ്റ്റര് ചെയ്തിട്ടുണ്ടോ എന്ന് തൊഴില് വകുപ്പ് ഉദ്യോഗസ്ഥര് പ്രത്യേകം ചെലുത്തണം. ആവശ്യമെങ്കില് മറ്റുവകുപ്പുകളുടെ കൂടെ സഹകരണത്തോടെ കൂടുതല് ഉദ്യോഗസ്ഥരെയും സന്നദ്ധപ്രവര്ത്തകരെയും ഉള്പ്പെടുത്തി രജിസ്ട്രേഷന് നടപടികള് സമയബന്ധിതമായി പൂര്ത്തിയാക്കും. സംസ്ഥാനത്തൊട്ടാകെയുള്ള തൊഴില് വകുപ്പ് ഓഫീസുകളിലും വര്ക്ക്സൈറ്റുകളിലും ലേബര് ക്യാമ്പുകളിലും രജിസ്റ്റര് ചെയ്യുന്നതിന് സൗകര്യമൊരുക്കി രജിസ്ട്രേഷന് നടപടികള് ഊര്ജ്ജിതമാക്കാനാണ് തീരുമാനം. അതിഥി തൊഴിലാളികള്ക്കും, അവരുടെ കരാറുകാര്, തൊഴിലുടമകള് എന്നിവര്ക്കും തൊഴിലാളികളെ രജിസ്റ്റര് ചെയ്യാം. athidhi.lc.kerala.gov.in എന്ന പോര്ട്ടലില് മൊബൈല് നമ്പര് ഉപയോഗിച്ചാണ് പേര് വിവരങ്ങള് രജിസ്റ്റര് ചെയ്യേണ്ടത്. പോര്ട്ടലില് പ്രാദേശിക ഭാഷകളില് നിര്ദ്ദേശങ്ങള് ലഭ്യമാണ്.
![](https://i0.wp.com/thodupuzhavartha.in/wp-content/uploads/2024/07/poster-thodupuzha-new-one-2-scaled.jpg?resize=708%2C2339&ssl=1)