തൊടുപുഴ: ഇന്ത്യൻ മെഡിക്കൽ അസോസിയേഷൻ ജില്ലാ സമ്മേളനം ഇന്നു രാത്രി 7.30ന് നടുക്കണ്ടം ഐഎംഎ ഹാളിൽ നടക്കുമെന്ന് ഭാരവാഹികൾ അറിയിച്ചു.
സമ്മേളനം പി.ജെ. ജോസഫ് എംഎൽ എ ഉദ്ഘാടനം ചെയ്യും. ഐഎംഎ ജില്ലാ ചെയർമാൻ ഡോ. വി. മുരുകേശൻ അധ്യക്ഷത വഹിക്കും. ഡീൻ കുര്യാക്കോസ് എംപി മുഖ്യപ്രഭാഷണം നടത്തും. ഐഎംഎ സംസ്ഥാന പ്രസിഡന്‍റ് ഡോ. സാമുവൽ കോശി ആശുപത്രികളും ആരോഗ്യ പ്രവർത്തകരും നേരിടുന്ന പ്രശ്നങ്ങൾ അവതരിപ്പിക്കും.
ദേശീയ വൈസ് പ്രസിഡന്‍റ് ഡോ. ജോസഫ് മണി, സീനിയർ വൈസ് പ്രസിഡന്‍റ് ഡോ. പി. ഗോപികുമാർ, സെക്രട്ടറി ഡോ. ജോസഫ് ബെന്യാമിൻ, ജോയിന്റ് സെക്രട്ടറി ഡോ. ജോയ് മഞ്ഞിള, തൊടുപുഴ ശാഖ പ്രസിഡന്‍റ് ഡോ. സുമി ഇമ്മാനുവേൽ, ഡോ. ജോസഫ് വർഗീസ്, ഡോ. എസ്. വിവേക്, ഡോ. ഏബ്രഹാം സി. പീറ്റർ എന്നിവർ പ്രസംഗിക്കും.
വൈകുന്നേരം 5.30ന് ആരോഗ്യപ്രവർത്തകരും ആശുപത്രികളും നേരിടുന്ന ആക്രമണങ്ങളെക്കുറിച്ച് സെമിനാറും നടക്കും. ഐഎംഎ സംസ്ഥാന കർമസമിതി ചെയർമാൻ ഡോ. എം.എൻ. മേനോൻ മോഡറേറ്ററായിരിക്കും. ജില്ലാ ലീഗൽ സർവീസ് അഥോറിറ്റി സെക്രട്ടറിയും സബ് ജഡ്ജിയുമായ പി.സിറാജുദീൻ, മാധ്യമ പ്രവർത്തകൻ ജോണി ലൂക്കോസ്, റിട്ട.എസ്പി കെ.വി.ജോസഫ് അഡ്വ. സി.കെ. വിദ്യാസാഗർ, കട്ടപ്പന സെന്‍റ് ജോണ്സ് ആശുപത്രി ഡയറക്ടർ ബ്രദർ ബൈജു വലിയപറന്പിൽ ഡോ. ജോസ് ജോസഫ്, ഡോ. സാജൻ ജോസഫ് ചാഴികാടൻ എന്നിവർ പ്രസംഗിക്കും. ജില്ലയിലെ എല്ലാ ഡോക്ടർമാരും മറ്റ് ആരോഗ്യപ്രവർത്തകരും സെമിനാറിൽ പങ്കെടുക്കും. ഐ എം എ കുടുംബസംഗമവും ഒരുക്കിയിട്ടുണ്ട്.
