National
രാജ്യവ്യാപകമായി നാളെ വിദ്യാഭ്യാസ ബന്ദ് നടത്തുമെന്ന് ഇടത് വിദ്യാര്ത്ഥി സംഘടനകള്
![](https://i0.wp.com/thodupuzhavartha.in/wp-content/uploads/2024/07/72cbb602-e3eb-4665-bd31-8be6951051a0.jpg?resize=780%2C448&ssl=1?v=1719993409)
![](https://i0.wp.com/thodupuzhavartha.in/wp-content/uploads/2024/06/thodupuzha-second-one.jpg?resize=708%2C397&ssl=1)
ന്യൂഡല്ഹി : നാളെ രാജ്യവ്യാപകമായി വിദ്യാഭ്യാസ സ്ഥാപനങ്ങളില് പഠിപ്പ് മുടക്കുമെന്ന് ഇടത് വിദ്യാര്ത്ഥി സംഘടനകള് അറിയിച്ചു. എസ്എഫ്ഐ, എഐഎസ്എഫ്, ഐസ തുടങ്ങിയ സംഘടനകളാണ് വിദ്യാഭ്യാസ ബന്ദിന് ആഹ്വാനം ചെയ്തത്. നീറ്റ് പരീക്ഷയിലെ ക്രമക്കേട് ഉന്നയിച്ചാണ് വിദ്യാഭ്യാസ ബന്ദ് നടത്തുന്നത്. നീറ്റ് – നെറ്റ് പരീക്ഷകളിലെ ക്രമക്കേടുകളുടെ ഉത്തരവാദിത്തം ഏറ്റെടുത്ത് കേന്ദ്ര വിദ്യാഭ്യാസ മന്ത്രി രാജിവെക്കണമെന്നാണ് ആവശ്യം. പഠിപ്പ് മുടക്കിന് പിന്നാലെ നാളെ രാജ്ഭവന് മാര്ച്ചും എസ്എഫ്ഐ പ്രഖ്യാപിച്ചു. സര്വ്വകലാശാല പ്രതിനിധികളില്ലാതെ വിസി നിര്ണ്ണയത്തിനായി സര്ച്ച് കമ്മിറ്റി ഉണ്ടാക്കിയ ഗവര്ണ്ണര്ക്കെതിരെയും എസ്എഫ്ഐ പ്രതിഷേധമുണ്ട്. നീറ്റ് ചോദ്യപേപ്പര് ചോര്ച്ച വിവാദത്തില് പ്രതിഷേധം ശക്തമാക്കിയിരിക്കുകയാണ് പ്രതിപക്ഷ വിദ്യാര്ത്ഥി സംഘടനകള്.
![](https://i0.wp.com/thodupuzhavartha.in/wp-content/uploads/2024/07/poster-thodupuzha-new-one-2-scaled.jpg?resize=708%2C2339&ssl=1)