ഓണക്കിറ്റ് എല്ലാവര്ക്കുമില്ല, ആര്ക്കൊക്കെയെന്ന് തീരുമാനമായില്ല; ധനമന്ത്രി
![](https://i0.wp.com/thodupuzhavartha.in/wp-content/uploads/2023/07/WhatsApp-Image-2023-07-24-at-00.38.38.jpeg?resize=780%2C470&ssl=1?v=1690184349)
![](https://i0.wp.com/thodupuzhavartha.in/wp-content/uploads/2024/06/thodupuzha-second-one.jpg?resize=708%2C397&ssl=1)
തിരുവനന്തപുരം: സംസ്ഥാനത്ത് ഇത്തവണ എല്ലാവര്ക്കും ഓണക്കിറ്റ് ഉണ്ടാകില്ലെന്ന് ധനമന്ത്രി കെ എന് ബാലഗോപാല്. ഓണക്കിറ്റ് നല്കുന്നതില് ഇതുവരെ അന്തിമ തീരുമാനമായിട്ടില്ലെന്നും, സപ്ലൈകോ പ്രതിസന്ധി തീര്ക്കാന് പണം അനുവദിക്കുമെന്നും കെ എന് ബാലഗോപാല് പറഞ്ഞു. ഇത്തവണയും ഓണക്കിറ്റ് നല്കും, ആര്ക്കൊക്കെയെന്ന് തീരുമാനമാനിച്ചിട്ടില്ല. ഓണക്കാലം നന്നായി കൊണ്ടുപോകാനുള്ള ശ്രമത്തിലാണ് സര്ക്കാര്. അതേസമയം തിരുവോണം ബമ്പറിന്റെ ഈ വര്ഷത്തെ ടിക്കറ്റ് മന്ത്രി പ്രകാശനം ചെയ്തു. 25 കോടിയാണ് ഒന്നാം സമ്മാനം. 500 രൂപയാണ് ടിക്കറ്റ് വില. കഴിഞ്ഞ വര്ഷത്തില് നിന്നും വിഭിന്നമായി രണ്ടാം സമ്മാനഘടനയില് വ്യത്യാസം വരുത്തിയിട്ടുണ്ട്. രണ്ടാം സമ്മാനം ഒരു കോടി രൂപ വീതം 20 പേര്ക്ക് ആകും ഇത്തവണ നല്കുക. കഴിഞ്ഞവര്ഷം ഇത് അഞ്ചുകോടി രൂപയുടെ ഒറ്റസമ്മാനം ആയിരുന്നു. മൂന്നാം സമ്മാനം 50 ലക്ഷം വീതം 20 പേര്ക്ക് കിട്ടും. അഞ്ച് ലക്ഷം വീതം പത്തുപേര്ക്കാണ് നാലാം സമ്മാനം. രണ്ടുലക്ഷം വീതം 10 പേര്ക്ക് അഞ്ചാം സമ്മാനം ലഭിക്കും. ജൂലൈ 26 മുതല് ടിക്കറ്റ് വില്പ്പന ആരംഭിക്കും.
![](https://i0.wp.com/thodupuzhavartha.in/wp-content/uploads/2024/07/thodupuzha-ad-1-scaled.jpg?resize=708%2C2115&ssl=1)