ലോട്ടറി ഏജന്റുമാര്ക്കും വില്പനക്കാര്ക്കും ഓണം ഉത്സവബത്ത പ്രഖ്യാപിച്ചു; ധനകാര്യ മന്ത്രി
![](https://i0.wp.com/thodupuzhavartha.in/wp-content/uploads/2023/08/WhatsApp-Image-2023-08-19-at-04.59.46.jpeg?resize=780%2C470&ssl=1?v=1692446415)
![](https://i0.wp.com/thodupuzhavartha.in/wp-content/uploads/2024/06/thodupuzha-second-one.jpg?resize=708%2C397&ssl=1)
തിരുവനന്തപുരം: കേരള സംസ്ഥാന ഭാഗ്യക്കുറി ഏജന്റുമാര്ക്കും വില്പനക്കാര്ക്കും ക്ഷേമനിധി ബോര്ഡിലെ അംഗങ്ങള്ക്കും പെന്ഷന്കാര്ക്കും യഥാക്രമം 6000 രൂപ, 2000 രൂപ എന്ന നിരക്കില് ഓണം ഉത്സവബത്ത നല്കുമെന്ന് ധനകാര്യ മന്ത്രി കെഎന് ബാലഗോപാല് അറിയിച്ചു. 38,000 സജീവ അംഗങ്ങള്ക്കും 6223 പെന്ഷന്കാര്ക്കും ഓണം ഉത്സവബത്ത നല്കുന്നതിനായി 24.04 കോടി രൂപ അനുവദിച്ചു. ഓണം പ്രമാണിച്ച് സംസ്ഥാന സര്ക്കാര് ജീവനക്കാര്ക്ക് ബോണസായി 4,000 രൂപയും ബോണസിന് അര്ഹത ഇല്ലാത്തവര്ക്ക് ഉത്സവബത്തയായി 2,750 രൂപയും നല്കുമെന്ന് ധനകാര്യ മന്ത്രി ധനകാര്യ മന്ത്രി കെ എന് ബാലഗോപാല് നേരത്തെ അറിയിച്ചിരുന്നു. സര്വീസ് പെന്ഷന്കാര്ക്കും പങ്കാളിത്ത പെന്ഷന് പദ്ധതി പ്രകാരം വിരമിച്ച ജീവനക്കാര്ക്കും പ്രത്യേക ഉത്സവ ബത്തയായി 1,000 രൂപ നല്കും. സംസ്ഥാനത്തെ എല്ലാ സര്ക്കാര് ജീവനക്കാര്ക്കും ഓണം അഡ്വാന്സായി 20,000 രൂപ അനുവദിക്കും. പാര്ട്ട് ടൈം കണ്ടിന്ജന്റ് ഉള്പ്പെടെയുള്ള മറ്റു ജീവനക്കാര്ക്ക് അഡ്വാന്സ് 6,000 രൂപയാണ്. കഴിഞ്ഞ വര്ഷം ഉത്സവബത്ത ലഭിച്ച കരാര് സ്കീം തൊഴിലാളികള് ഉള്പ്പെടെ എല്ലാ വിഭാഗം ജീവനക്കാര്ക്കും അതേ നിരക്കില് ഈ വര്ഷവും ഉത്സവ ബത്ത ലഭിക്കുന്നതായിരിക്കും.
![](https://i0.wp.com/thodupuzhavartha.in/wp-content/uploads/2024/07/thodupuzha-ad-1-scaled.jpg?resize=708%2C2115&ssl=1)