പാർസൽ ഭക്ഷണം; തിയതിയും സമയവും രേഖപ്പെടുത്തിയ സ്റ്റിക്കർ നിർബന്ധം, ഉത്തരവ് ഇറങ്ങി
![](https://i0.wp.com/thodupuzhavartha.in/wp-content/uploads/2023/01/WhatsApp-Image-2023-01-21-at-14.32.49.jpg?resize=710%2C400&ssl=1?v=1674292056)
![](https://i0.wp.com/thodupuzhavartha.in/wp-content/uploads/2024/06/thodupuzha-second-one.jpg?resize=708%2C397&ssl=1)
തിരുവനന്തപുരം: സംസ്ഥാനത്ത് ഭക്ഷ്യ സുരക്ഷാ മുന്നറിയിപ്പോട് കൂടിയ സ്ലിപ്പോ സ്റ്റിക്കറോ ഇല്ലാത്ത ഭക്ഷണപ്പൊതികള് നിരോധിച്ച് ആരോഗ്യവകുപ്പ് ഉത്തരവിറക്കി. സ്ലിപ്പിലോ സ്റ്റിക്കറിലോ ഭക്ഷണം പാകം ചെയ്ത തിയതിയും സമയവും എത്ര സമയത്തിനുള്ളില് കഴിക്കണം എന്നിവയും വ്യക്തമാക്കണമെന്നാണ് നിര്ദ്ദേശം. ഫുഡ്സേഫ്റ്റി സ്റ്റാന്റേര്ഡ്സ് റഗുലേഷന്സ് പ്രകാരം ഹൈ റിസ്ക് ഹോട്ട് ഫുഡ്സ് വിഭാഗത്തിലുള്ള ഭക്ഷണം പാകം ചെയ്ത് രണ്ട് മണിക്കൂറിനുള്ളില് ഉപയോഗിച്ചിരിക്കണം. ഇത്തരം ഭക്ഷണം എത്തിക്കുവാന് കൂടുതല് സമയമെടുക്കുന്ന സ്ഥലങ്ങളില് യാത്രയിലും 60 ഡിഗ്രി ഊഷ്മാവ് നിലനിര്ത്തേണ്ടതാണ്. ഈ ഭക്ഷണങ്ങള് സാധാരണ ഊഷ്മാവില് 2 മണിക്കൂറില് കൂടുതല് സൂക്ഷിക്കുമ്പോള് ആരോഗ്യത്തിന് ഹാനികരവും മനുഷ്യ ഉപഭോഗത്തിന് അനുയോജ്യമല്ലാത്തതുമാകാന് സാധ്യതയുണ്ട്. അതിനാല് ചില നിയന്ത്രണങ്ങള് അത്യാവശ്യമാണെന്ന് കണ്ടെത്തിയതിന്റെ അടിസ്ഥാനത്തിലാണ് തീരുമാനമെടുത്തതെന്ന് ആരോഗ്യമന്ത്രി വീണ ജോര്ജ് പറഞ്ഞു
![](https://i0.wp.com/thodupuzhavartha.in/wp-content/uploads/2024/07/thodupuzha-ad-1-scaled.jpg?resize=708%2C2115&ssl=1)