അറക്കുളത്ത് പിഎം കിസ്സാൻ സമ്മാൻ നിധി ഹെൽപ്പ് ഡസ്ക് ക്യാമ്പ് നടത്തി
![](https://i0.wp.com/thodupuzhavartha.in/wp-content/uploads/2023/10/WhatsApp-Image-2023-10-23-at-09.25.59.jpeg?resize=640%2C360&ssl=1?v=1698033391)
![](https://i0.wp.com/thodupuzhavartha.in/wp-content/uploads/2024/06/thodupuzha-second-one.jpg?resize=708%2C397&ssl=1)
മൂലമറ്റം: അറക്കുളം ജയ്ഹിന്ദ് ലൈബ്രറിയുടേയും, കൃഷിഭവന്റേയും,കോമൺ സർവ്വീസ് ബാങ്കിന്റേയും സംയുക്താഭിമുഖ്യത്തിൽ പി.എം.കിസ്സാൻ സമ്മാൻ നിധി ഹെൽപ്പ് ഡസ്ക് ക്യാമ്പ് നടത്തി. പഞ്ചായത്തംഗം പി.എ. വേലുക്കുട്ടൻ യോഗത്തിൽ അധ്യക്ഷത വഹിച്ചു. കൃഷി അസിസ്റ്റൻറ് കെ.എസ്. സുകുമാരൻ, കർഷകൻ മുട്ടം നാരായണൻ നായർ എന്നിവർ പ്രസംഗിച്ചു. അറക്കുളം ജയ്ഹിന്ദ് ലൈബ്രറിയും കൃഷി ഭവനും കോമൺ സർവീസ് സെൻററും സംയുക്തമായാണ് ക്യാമ്പ് നടത്തിയത്.പ്രധാനമന്ത്രി കിസാൻ സമ്മാൻ നിധിയിലൂടെ വർഷംതോറും 6,000 രൂപ ലഭിച്ചിരുന്നതും എന്നാൽ പദ്ധതി പാതിവഴിയിൽ തടസപ്പെട്ടവർക്കുമായി ഇതു വീണ്ടും ലഭിക്കുന്നതിനും പദ്ധതിയിൽ പുതിയതായി ചേരുന്നതിനുള്ള അപേക്ഷകൾ സ്വീകരിക്കുന്നതിനുമായി നടത്തിയ കിസാൻ ഹെൽപ് ഡസ്ക് നിരവധിപ്പേർക്ക് ആശ്വാസമായി.ഇനിയും പുതുക്കാത്തവർക്ക് അറക്കുളം പന്ത്രണ്ടാം മൈലിലെ കോമൺ സർവീസ് സെൻററിൽ സൗകര്യം ഒരുക്കിയിട്ടുണ്ടെന്ന് അധികൃതർ അറിയിച്ചു. ബന്ധപ്പെടേണ്ട നമ്പർ: 9447212121.
![](https://i0.wp.com/thodupuzhavartha.in/wp-content/uploads/2024/07/thodupuzha-ad-1-scaled.jpg?resize=708%2C2115&ssl=1)