കൊച്ചി : സന്തോഷ് ട്രോഫിയിൽ കേരളത്തിന് വമ്പൻ ജയം. യോഗ്യതാ റൗണ്ടിലെ ഗ്രൂപ്പ് രണ്ടിൽ ആദ്യ മത്സരത്തിനിറങ്ങിയ കേരളം രാജസ്ഥാനെ എതിരില്ലാത്ത ഏഴ് ഗോളുകൾക്കാണ് വീഴ്ത്തിയത്. ആദ്യ പകുതിയിൽ തന്നെ അഞ്ച് ഗോളുകൾക്ക് മുന്നിൽ നിന്ന കേരളം രണ്ടാം പകുതിയിൽ രണ്ട് ഗോൾ കൂടി നേടി.നിജോ ഗിൽബെർട്ടിലൂടെയാണ് കേരളം സ്കോറിംഗ് ആരംഭിച്ചത്. പിന്നീട് വിക്നേഷിൻ്റെ ഇരട്ട ഗോളുകൾ. നരേഷ് ഭാഗ്യനാഥനും ഇരട്ട ഗോളുകൾ നേടിയതോടെ കേരളം ആദ്യ പകുതി പൂർത്തിയാക്കി. രണ്ടാം പകുതിയിൽ റിസ്വാൻ്റെ ഇരട്ട ഗോളുകളിൽ കേരളം കളിയും പൂർത്തിയാക്കി. ഈ മാസം 29ന് ബീഹാറിനെതിരെയാണ് കേരളത്തിൻ്റെ അടുത്ത മത്സരം.
