സെന്റ് ജോസഫ്സ് ഹയർ സെക്കൻഡറി സ്കൂളിൽ രജത ജൂബിലി ഉദ്ഘാടനം നടത്തി
![](https://i0.wp.com/thodupuzhavartha.in/wp-content/uploads/2022/09/IMG_20220905_083922.jpg?resize=780%2C470&ssl=1?v=1662347754)
![](https://i0.wp.com/thodupuzhavartha.in/wp-content/uploads/2024/06/thodupuzha-second-one.jpg?resize=708%2C397&ssl=1)
കരിമണ്ണൂർ: സെന്റ് ജോസഫ്സ് ഹയർ സെക്കൻഡറി സ്കൂളിൽ പൂർത്തിയായ വിവിധ നിർമാണങ്ങളുടെയും ഹയർ സെക്കൻഡറി വിഭാഗത്തിന്റെ രജത ജൂബിലിയുടെയും ഉദ്ഘാടനം നടത്തി. നവീകരിച്ച സ്റ്റേഡിയം, പുതുതായി നിർമിച്ച പ്രവേശന കവാടം, ഹരിതോദ്യാനം എന്നിവയുടെ ഉദ്ഘാടനവും ഇതോടനുബന്ധിച്ച് നടത്തി. സ്കൂൾ മാനേജർ റവ. ഡോ. സ്റ്റാൻലി പുൽപ്രയിൽ അധ്യക്ഷത വഹിച്ചു. ഹയർ സെക്കൻഡറി വിഭാഗത്തിന്റെ രജത ജൂബിലി, സെന്റ് ജോസഫ്സ് സ്റ്റേഡിയം എന്നിവയുടെ ഉദ്ഘാടനം കോതമംഗലം ബിഷപ് മാർ ജോർജ് മഠത്തിക്കണ്ടത്തിൽ നിർവഹിച്ചു. വികാരി ജനറാൾ മോണ്. പയസ് മലേക്കണ്ടത്തിൽ പ്രവേശനകവാടം ഉദ്ഘാടനം ചെയ്തു. രൂപത വിദ്യാഭ്യാസ സെക്രട്ടറി ഫാ. മാത്യു മുണ്ടയ്ക്കൽ അധ്യാപകദിന സന്ദേശം നൽകി.
മുൻ വിദ്യാഭ്യാസ സെക്രട്ടറി റവ. ഡോ. സ്റ്റാൻലി കുന്നേൽ ഷട്ടിൽ ബാഡ്മിന്റണ് കോർട്ടുകളും പുനർനിർമിച്ച ഹരിതോദ്യാനം ഹയർ സെക്കൻഡറി വിഭാഗത്തിന്റെ സ്ഥാപക മാനേജർ ഫാ. തോമസ് കപ്യാരുമലയും ക്രിക്കറ്റ് പിച്ച് ഇളംദേശം ബ്ലോക്ക് പഞ്ചായത്ത് പ്രസിഡന്റ് മാത്യു കെ. ജോണും ഫുട്ബോൾ ഫീൽഡ് പഞ്ചായത്ത് പ്രസിഡന്റ് നിസാമോൾ ഷാജിയും ഉദ്ഘാടനം ചെയ്തു. ദേശീയ കായിക മത്സരങ്ങളിൽ കേരളത്തെ പ്രതിനിധീകരിച്ച പൂർവവിദ്യാർഥികളായ സിസ്റ്റർ ഗ്രാസിയ എസ്എച്ച്, അന്നക്കുട്ടി പീറ്റർ, ട്രീസാമ്മ ആൻഡ്രൂസ് എന്നിവരെയും അധ്യാപകദിനാഘോഷത്തിന്റെ ഭാഗമായി നൂറിൽപരം പൂർവ അധ്യാപകരെയും ചടങ്ങിൽ ആദരിച്ചു. സ്കൂൾ അസി. മാനേജർ ഫാ. ജെയിംസ് കല്ലറയ്ക്കൽ, വാർഡ് മെംബർ ആൻസി സിറിയക്, പിടിഎ പ്രസിഡന്റ് ലിയോ കുന്നപ്പിള്ളിൽ, പ്രിൻസിപ്പൽ ബിസോയ് ജോർജ്, ഹെഡ്മാസ്റ്റർ സജി മാത്യു, കെ.എ. പൈലി, കെ.എസ്. ജോസ്, കെ.ടി. തോബിയാസ്, ജോളി മുരിങ്ങമറ്റം എന്നിവർ പ്രസംഗിച്ചു.
![](https://i0.wp.com/thodupuzhavartha.in/wp-content/uploads/2024/07/thodupuzha-ad-1-scaled.jpg?resize=708%2C2115&ssl=1)