നെയ്യശേരി സെന്റ് സെബാസ്റ്റ്യൻസ് പള്ളിയിൽ ഇടവക മധ്യസ്ഥനായ വിശുദ്ധ സെബസ്ത്യാനോസിന്റെ തിരുനാൾ 26, 27 തീയതികളിൽ…
നെയ്യശേരി: സെന്റ് സെബാസ്റ്റ്യൻസ് പള്ളിയിൽ ഇടവക മധ്യസ്ഥനായ വിശുദ്ധ സെബസ്ത്യാനോസിന്റെ തിരുനാൾ 26, 27 തീയതികളിൽ നടക്കും. തിരുനാളിനു ഒരുക്കമായുള്ള നൊവേന നാളെ ആരംഭിക്കും. വൈകുന്നേരം 4.25ന് കൊടിയേറ്റ്, 4.30 നു വിശുദ്ധ കുർബാന- ഫാ. ജോർജ് ചെന്പരത്തി. തുടർന്നുള്ള ദിവസങ്ങളിൽ വൈകുന്നേരം 4.30 നു വിശുദ്ധ കുർബാനയും നൊവേനയും ഉണ്ടായിരിക്കും. വിവിധ ദിവസങ്ങളിൽ ഫാ. നിഖിൽ മണിയംകുളത്ത്, ഫാ. പോൾ അവിരാപ്പാട്ട്, റവ. ഡോ. മാത്യു തോട്ടത്തിമ്യാലിൽ, ഫാ. സോണി പോത്തനാംമൂഴി, ഫാ. ജോസ് കാഞ്ഞിരക്കൊന്പിൽ, ഫാ. ജോസഫ് കപ്യാരുമലയിൽ, ഫാ. ജേക്കബ് റാത്തപ്പിള്ളിൽ, ഫാ. തോമസ് മഞ്ഞക്കുന്നേൽ തുടങ്ങിയവർ വിശുദ്ധ കുർബാന അർപ്പിക്കും.
26ന് രാവിലെ ആറിനും 7.30 നും വിശുദ്ധ കുർബാന, സെന്റ് മൈക്കിൾസ് ഗേറ്റ് വെഞ്ചരിപ്പ്, വൈകുന്നേരം 4.30ന് വിശുദ്ധ കുർബാന- ഫാ. ഇഗ്നേഷ്യസ് കുന്നുംപുറത്ത്, സെന്റ് അൽഫോൻസാ കപ്പേളയിലേക്ക് പ്രദക്ഷിണം. 27നു രാവിലെ ആറിനും 7.30 നു പത്തിനും വിശുദ്ധ കുർബാന, വൈകുന്നേരം 4.30നു വിശുദ്ധ കുർബാന- ഫാ. ജോസഫ് കൂനാനിക്കൽ, പ്രദക്ഷിണം എന്നിവയാണ് പരിപാടികളെന്ന് വികാരി ഫാ. നിക്കോളാസ് മൂലശേരിൽ അറിയിച്ചു.