ചൊവ്വാഴ്ച വരെ പത്ത് ജില്ലകളില് കടുത്ത ചൂട്; സംസ്ഥാനത്ത് ഇന്നും ഉയര്ന്ന താപനില മുന്നറിയിപ്പ്
![](https://i0.wp.com/thodupuzhavartha.in/wp-content/uploads/2024/02/temperature.jpg?resize=640%2C360&ssl=1?v=1708147040)
![](https://i0.wp.com/thodupuzhavartha.in/wp-content/uploads/2024/06/thodupuzha-second-one.jpg?resize=708%2C397&ssl=1)
എറണാകുളം: സംസ്ഥാനത്ത് ഇന്നും ഉയര്ന്ന താപനില മുന്നറിയിപ്പ്. ശനിയാഴ്ച മുതല് ചൊവ്വാഴ്ച വരെ പത്തുജില്ലകളില് കടുത്ത ചൂട് അനുഭവപ്പെടുമെന്ന് കേന്ദ്ര കാലാവസ്ഥ വകുപ്പ് മുന്നറിയിപ്പ് നല്കി. ജാഗ്രതയുടെ ഭാഗമായി ഈ ജില്ലകളില് യെല്ലോ അലേര്ട്ട് പ്രഖ്യാപിച്ചു. കോട്ടയം, കൊല്ലം, തൃശ്ശൂര് ജില്ലകളില് ഉയര്ന്ന താപനില 39°ഡിഗ്രി സെൽഷ്യസ് വരെയും പത്തനംതിട്ട ജില്ലയില് 38° ഡിഗ്രി സെൽഷ്യസ് വരെയും ആലപ്പുഴ, എറണാകുളം, മലപ്പുറം, കോഴിക്കോട് ജില്ലകളില് 37° ഡിഗ്രി സെൽഷ്യസ്
വരെയും തിരുവനന്തപുരം, പാലക്കാട് ജില്ലകളില് 36°ഡിഗ്രി സെൽഷ്യസ് വരെയും (സാധാരണയെക്കാള് 2 – 4 °ഡിഗ്രി സെൽഷ്യസ് കൂടുതല്) രേഖപ്പെടുത്താന് സാധ്യതയുണ്ടെന്നും കേന്ദ്ര കാലാവസ്ഥ വകുപ്പ് അറിയിച്ചു. ഉയര്ന്ന താപനിലയും ഈര്പ്പമുള്ള വായുവും കാരണം ഈ ജില്ലകളില് മലയോര മേഖലകളിലൊഴികെ ഈ ദിവസങ്ങളില് ചൂടും അസ്വസ്ഥതയുമുള്ള കാലാവസ്ഥയ്ക്കും സാധ്യതയുണ്ടെന്നും കാലാവസ്ഥ വകുപ്പ് അറിയിച്ചു.
![](https://i0.wp.com/thodupuzhavartha.in/wp-content/uploads/2024/07/poster-thodupuzha-new-one-2-scaled.jpg?resize=708%2C2339&ssl=1)