തൊടുപുഴ താലൂക്കിൽ വിതരണം ചെയ്യുന്നത് 255 പട്ടയങ്ങൾ
![](https://i0.wp.com/thodupuzhavartha.in/wp-content/uploads/2021/09/images-4-3.jpeg?resize=768%2C400&ssl=1?v=1631538628)
![](https://i0.wp.com/thodupuzhavartha.in/wp-content/uploads/2024/06/thodupuzha-second-one.jpg?resize=708%2C397&ssl=1)
തൊടുപുഴ: മിനി സിവിൽ സ്റ്റേഷൻ കോണ്ഫറൻസ് ഹാളിൽ സംഘടിപ്പിച്ച താലൂക്ക് പട്ടയ വിതരണം പി.ജെ. ജോസഫ് എംഎൽഎ ഉദ്ഘാടനം ചെയ്തു.
പതിറ്റാണ്ടുകളായി പരിഹരിക്കാതെ കിടന്ന പട്ടയ പ്രശ്നത്തിന് ഒരു പരിധിവരെ ആശ്വാസമാണ് ഇത്രയും പേർക്ക് ഒരുമിച്ച് പട്ടയം കൊടുക്കാനായതെന്ന് അദ്ദേഹം പറഞ്ഞു.
ഇതിന് സംസ്ഥാന സർക്കാരിനെയും ബന്ധപ്പെട്ട ഉദ്യോഗസ്ഥരെയും അഭിനന്ദിക്കുന്നതായും എംഎൽഎ പറഞ്ഞു. നഗരസഭാ വൈസ് ചെയർപേഴ്സണ് ജെസി ജോണി അധ്യക്ഷത വഹിച്ചു.
വിവിധ രാഷ്ട്രീയ കക്ഷി നേതാക്കളായ വി.വി. മത്തായി, പി.പി. ജോയി, ജോണ് നെടിയപാല, ജിമ്മി മറ്റത്തിപ്പാറ, ഫിലിപ്പ് സ്റ്റീഫൻ ചേരിയിൽ, പി.എം. നിസാമുദ്ദീൻ, കെ.കെ. ഭാസ്കരൻ, എം.ജെ. ജോണ്സണ്, പി.പി. അനിൽകുമാർ, നഗരസഭാ കൗണ്സിലർ ജയലക്ഷ്മി ഗോപൻ, തഹസിൽദാർ കെ.എം. ജോസുകുട്ടി, കരിമണ്ണൂർ എൽഎ തഹസിൽദാർ ജോസ്.കെ.ജോസ് തുടങ്ങിയവർ പ്രസംഗിച്ചു.
തൊടുപുഴ താലൂക്കിൽ 255 പട്ടയങ്ങളാണ് വിതരണം ചെയ്യുന്നത്.
![](https://i0.wp.com/thodupuzhavartha.in/wp-content/uploads/2024/07/poster-thodupuzha-new-one-2-scaled.jpg?resize=708%2C2339&ssl=1)