താരസംഘടനയായ അമ്മ ഭാരവാഹി സ്ഥാനത്തേക്കുള്ള തെരഞ്ഞെടുപ്പിൽ വൈസ് പ്രസിഡന്റായി മണിയന്പിള്ള രാജുവും ശ്വേതാമേനോനും വിജയിച്ചു.
![](https://i0.wp.com/thodupuzhavartha.in/wp-content/uploads/2021/12/IMG-20211219-WA0019.jpg?resize=780%2C470&ssl=1?v=1639924552)
![](https://i0.wp.com/thodupuzhavartha.in/wp-content/uploads/2024/06/thodupuzha-second-one.jpg?resize=708%2C397&ssl=1)
കൊച്ചി: താരസംഘടനയായ അമ്മ ഭാരവാഹി സ്ഥാനത്തേക്കുള്ള തെരഞ്ഞെടുപ്പിൽ വൈസ് പ്രസിഡണ്ട് സ്ഥാനത്തേക്ക് മണിയന്പിള്ള രാജുവും ശ്വേതാമേനോനും വിജയിച്ചു. ആശ ശരത്ത് വൈസ് പ്രസിഡന്റ് സ്ഥാനത്ത് പരാജയപ്പെട്ടു.
എക്സിക്യൂട്ടീവ് കമ്മിറ്റിയിലേക്ക് ബാബുരാജ്, ലാല്, ലെന, മഞ്ജു പിള്ള, രചന നാരായണന്കുട്ടി, സുധീര് കരമന, സുരഭി ലക്ഷ്മി, ടിനി ടോം, ടോവിനോ തോമസ്, ഉണ്ണി മുകുന്ദന്, വിജയ് ബാബു എന്നിവരാണ് വിജയിച്ചത്.
ഔദ്യോഗിക പാനലിലെ മൂന്നു പേർ പരാജയപ്പെട്ടു. നിവിൻ പോളി, ഹണി റോസ്, നാസർ ലത്തീഫ് എന്നിവരാണ് തോറ്റത്. പ്രസിഡന്റായി മോഹന്ലാലും ജനറല് സെക്രട്ടറിയായി ഇടവേള ബാബുവും ട്രഷറര് ആയി സിദ്ദിഖും ജോയിന്റ് സെക്രട്ടറിയായി ജയസൂര്യയും നേരത്തേ എതിരില്ലാതെ തെരഞ്ഞെടുക്കപെട്ടിരുന്നു.അമ്മയുടെ ഭരണഘടന പുതുക്കിയതായി ബാബുരാജ് പറഞ്ഞു. സ്ത്രീകൾക്ക് വേണ്ടി അഞ്ചംഗ കമ്മിറ്റി നിലവിൽ വരും. സമൂഹമാധ്യമങ്ങളിൽ പ്രതികരിക്കുന്നതിനും നിയന്ത്രണം ഏർപ്പെടുത്തും.
![](https://i0.wp.com/thodupuzhavartha.in/wp-content/uploads/2024/07/thodupuzha-ad-1-scaled.jpg?resize=708%2C2115&ssl=1)