പുതിയ റബർ നയം നടപ്പാക്കുന്നത് മരവിപ്പിക്കാനുള്ള കേന്ദ്ര വാണിജ്യ മന്ത്രാലയത്തിന്‍റെ നീക്കത്തെ കേരള കോണ്ഗ്രസ് -എം ആലക്കോട് മണ്ഡലം കമ്മിറ്റി സ്വാഗതം ചെയ്തു.
ആലക്കോട്: പുതിയ റബർ നയം നടപ്പാക്കുന്നത് മരവിപ്പിക്കാനുള്ള കേന്ദ്ര വാണിജ്യ മന്ത്രാലയത്തിന്‍റെ നീക്കത്തെ കേരള കോണ്ഗ്രസ് -എം ആലക്കോട് മണ്ഡലം കമ്മിറ്റി സ്വാഗതം ചെയ്തു.
1947 ലെ റബർ നയം റദ്ദാക്കിയ ശേഷം കർശന വ്യവസ്ഥകളോടെയാണ് പുതിയ റബർ നയത്തിന്‍റെ കരട് കേന്ദ്ര സർക്കാർ പുറത്തിറക്കിയത്. റബർ കന്പനികളുടെ സമ്മർദത്തെ തുടർന്ന് റബർ വില നിശ്ചയിക്കാനുള്ള അധികാരം കേന്ദ്രസർക്കാരിനും, വില കുറച്ചു വിറ്റാൽ ജയിൽ ശിക്ഷ നൽകാനുമുള്ള ശുപാർശകളാണ് റബർ കർഷകരുടെ എതിർപ്പിനു കാരണമായത്.
റബർ കർഷകർക്ക് നൽകി വരുന്ന സബ്സിഡി 250 രുപയാക്കി പുനഃസ്ഥാപിക്കണമെന്നും യോഗം ആവശ്യപ്പെട്ടു. മണ്ഡലം പ്രസിഡന്‍റ് തോമസ് മൈലാടൂർ ഉദ്ഘാടനം ചെയ്തു. സംസ്ഥാന കമ്മിറ്റി അംഗം മാത്യു വാരികാട്ട് ഉദ്ഘാടനം ചെയ്തു. ജോസ് ഒട്ടയ്ക്കൽ, റോയി കളപ്പുര,എം.പി.പത്രോസ്, ബെന്നി ചെറുവള്ളാത്ത്, തോമസ് വട്ടപ്പാറ എന്നിവർ പ്രസംഗിച്ചു.
