24 മുതൽ അനിശ്ചിതകാല സമരം….
![](https://i0.wp.com/thodupuzhavartha.in/wp-content/uploads/2022/03/images-17-1.jpeg?resize=780%2C321&ssl=1?v=1647400744)
![](https://i0.wp.com/thodupuzhavartha.in/wp-content/uploads/2024/06/thodupuzha-second-one.jpg?resize=708%2C397&ssl=1)
കൊച്ചി : ബസ് ചാർജ് വർധിപ്പിക്കണമെന്നാവശ്യപ്പെട്ട് ഈ മാസം 24 മുതൽ അനിശ്ചിതകാല സമരം നടത്തുമെന്നു പ്രഖ്യാപിച്ച സ്വകാര്യ ബസുടമകൾ ഗതാഗതമന്ത്രി ആന്റണി രാജുവിനു പണിമുടക്ക് നോട്ടീസ് നൽകി.
ചാർജ് വർധന ഉടൻ നടപ്പാക്കിയില്ലെങ്കിൽ 24 മുതൽ അനിശ്ചിതകാല സമരവുമായി മുന്നോട്ടു പോകുമെന്നാണു ബസുടമകൾ വ്യക്തമാക്കിയിരിക്കുന്നത്. മിനിമം ചാർജ് 12 രൂപയാക്കി ഉയർത്തുക, വിദ്യാർഥികളുടെ കണ്സഷൻ നിരക്കു വർധിപ്പിക്കുക തുടങ്ങിയ ആവശ്യങ്ങളാണ് ബസ് ഉടമകൾ ഉന്നയിച്ചിട്ടുള്ളത്.
കഴിഞ്ഞദിവസം ബസുടമകളുടെ ആവശ്യം ന്യായമാണെന്ന് പറഞ്ഞ ആന്റണി രാജു, പൊതുജനാഭിപ്രായംകൂടി തേടിയ ശേഷമായിരിക്കും നടപടി സ്വീകരിക്കുക എന്നു വ്യക്തമാക്കിയിരുന്നു. ഇതിനു പിന്നാലെയാണു ബസുടമകൾ നോട്ടീസ് നൽകിയത്.
![](https://i0.wp.com/thodupuzhavartha.in/wp-content/uploads/2024/07/thodupuzha-ad-1-scaled.jpg?resize=708%2C2115&ssl=1)