തൊടുപുഴ: സെന്‍റ് സെബാസ്റ്റ്യൻസ് ഹൈസ്കൂളിന്‍റെ ആഭിമുഖ്യത്തിൽ അവധിക്കാല സമ്മർ കോച്ചിംഗ് ക്യാന്പ് നടത്തും. നാലാഴ്ച നീണ്ടുനിൽക്കുന്ന ക്യാന്പ് നാളെ ആരംഭിക്കും. കോവിഡിനെത്തുടർന്നു നഷ്ടപ്പെട്ട കുട്ടികളുടെ കായിക ആരോഗ്യം വീണ്ടെടുക്കുക എന്ന ലക്ഷ്യത്തോടെയാണ് ക്യാന്പ് സംഘടിപ്പിച്ചിരിക്കുന്നത്.
12 മുതൽ 15 വയസു വരെയുള്ള കുട്ടികൾക്കായാണ് സ്കൂളിലെ കായികാധ്യാപകൻ ഡോ. ബോബു ആന്‍റണിയുടെ നേതൃത്വത്തിൽ ക്യാന്പ് നടത്തുന്നത്. അത്‌ലറ്റിക്സ്, ഫുട്ബോൾ, ക്രിക്കറ്റ്, നെറ്റ്ബോൾ, സോഫ്റ്റ് ബോൾ, വടംവലി എന്നിവയുടെ പ്രത്യേക പരിശീലനവും ഇതോടൊപ്പം നടത്തുമെന്ന് ഹെഡ്മാസ്റ്റർ ബിജോയി മാത്യു അറിയിച്ചു. രജിസ്ട്രേഷന് ഫോണ്: 7736216494.
