മൂലമറ്റം : 18 ന് നടക്കുന്ന അറക്കുളം ആസ്‌കോബാങ്ക് തിരഞ്ഞെടുപ്പിന് 36 പേര്‍ നോമിനേഷന്‍ നല്‍കി. ശനിയാഴ്ചയാണ് നോമിനേഷന്‍ പിന്‍വലിക്കാനുള്ള അവസാന ദിവസം. തൊടുപുഴ അസിസ്റ്റന്റ് രജിസ്റ്റര്‍ ഓഫീസിലെ എ യൂണിറ്റ് ഇന്‍സ്ട്രകര്‍ എസ്.ആര്‍.അജിത്താണ് വരണാധികാരി.13 പേരാണ് ജയിച്ച് വരേണ്ടത്.യുഡിഎഫ് ആണ് ബാങ്ക് ഭരിച്ചു കൊണ്ടിരുന്നത്. കേരളാ കോണ്‍ഗ്രസ് എം. മുന്നണി വിട്ട് മാറിയെങ്കിലും ഭരണത്തില്‍ തുടരുകയായിരുന്നു. ഇപ്പോള്‍ യുഡിഎഫ് എല്‍ഡിഎഫ് മുന്നണികള്‍ വേറിട്ടാണ് മല്‍സരിക്കുന്നത്. ബിജെപിയും നോമിനേഷന്‍ നല്‍കിയിട്ടുണ്ട്.
