ഇടുക്കി ജില്ലയിൽ പാഠപുസ്തക വിതരണം 80 ശതമാനം പൂർത്തിയായി; ബസുകളിലെ പരിശോധന തുടരുന്നു
![](https://i0.wp.com/thodupuzhavartha.in/wp-content/uploads/2023/05/1989203-untitled-1.webp?resize=780%2C470&ssl=1)
![](https://i0.wp.com/thodupuzhavartha.in/wp-content/uploads/2024/06/thodupuzha-second-one.jpg?resize=708%2C397&ssl=1)
തൊടുപുഴ: ഇടുക്കി ജില്ലയിൽ പാഠപുസ്തകങ്ങളുടെ വിതരണം 80 ശതമാനവും പൂർത്തിയാക്കി. എല്ലാ ക്ലാസുകളിലെയും പുസ്തകങ്ങളുടെ വിതരണവും ഈമാസം അവസാനത്തോടെ പൂർത്തിയാക്കാൻ കഴിയും. തമിഴ് മീഡിയം പുസ്തകങ്ങളുടെ വിതരണം ആരംഭിച്ചിട്ടില്ല. അച്ചടി വൈകിയതാണ് തമിഴ് സിലബസ് പുസ്തകങ്ങൾ എത്താൻ വൈകുന്നത്. ചൊവ്വാഴ്ചയോടെ വിതരണം തുടങ്ങാൻ കഴിയുമെന്നാണ് അധികൃതർ പറയുന്നത്. വാഹനങ്ങളുടെ സുരക്ഷ പരിശോധനയും അവസാന ഘട്ടത്തിലാണ്. മോട്ടോർ വാഹന വകുപ്പ് വിവിധ താലൂക്കുകളിലായി സ്കൂൾ വാഹനങ്ങളുടെ ഫിറ്റ്നസ്, സുരക്ഷ പരിശോധന എന്നിവ നടത്തിവരുകയാണ്. 31നകം സുരക്ഷ പരിശോധന പൂർത്തിയാക്കി ബസുകൾക്ക് സ്റ്റിക്കറുകൾ നൽകുമെന്ന് മോട്ടോർ വാഹന വകുപ്പ് അറിയിച്ചു. ഫിറ്റ്നസ് ഇല്ലാത്ത ഒരുവിദ്യാലയത്തിലും ജൂൺ ഒന്നിന് അധ്യയനം ആരംഭിക്കാനാവില്ല. വൃത്തിയുള്ളതും ആരോഗ്യപരമായതുമായ ഭക്ഷണം മാത്രമേ കുട്ടികൾക്ക് നൽകാവൂവെന്നും നിർദേശമുണ്ട്. ഇക്കാര്യം സ്കൂൾ മേലധികാരികൾ പരിശോധിച്ച് ഉറപ്പുവരുത്തണം.
![](https://i0.wp.com/thodupuzhavartha.in/wp-content/uploads/2024/07/poster-thodupuzha-new-one-2-scaled.jpg?resize=708%2C2339&ssl=1)