ഇടുക്കി – ചെറുതോണി ഡാമുകളില് സന്ദര്ശനാനുമതി മെയ് 31 വരെ ദീര്ഘിപ്പിച്ചു നല്കി
![](https://i0.wp.com/thodupuzhavartha.in/wp-content/uploads/2023/02/Cheruthoni004.jpg?resize=772%2C470&ssl=1?v=1675268743)
![](https://i0.wp.com/thodupuzhavartha.in/wp-content/uploads/2024/06/thodupuzha-second-one.jpg?resize=708%2C397&ssl=1)
ചെറുതോണി: ഇടുക്കി-ചെറുതോണി ഡാമുകള് സന്ദര്ശിക്കുന്നതിന് മെയ് 31 വരെ ദീര്ഘിപ്പിച്ച് ഉത്തരവായതായി മന്ത്രി റോഷി അഗസ്റ്റിന് അറിയിച്ചു. ജില്ലയുടെ അന്പതാം വാര്ഷികവും മധ്യവേനലവധിയും പരിഗണിച്ചാണ് സന്ദര്ശനാനുമതി ദീര്ഘിപ്പിച്ചത്. ഡാമിലെ ജലനിരപ്പ് പരിശോധനയും സാങ്കേതിക പരിശോധനകളും നടത്തുന്നതിനായി ബുധമാഴ്ച ദിവസങ്ങള് നീക്കിവെച്ചിരിക്കുന്നതിനാല് അന്നേ ദിവസം പൊതുജനങ്ങള്ക്ക് സന്ദര്ശനാനുമതി ഉണ്ടായിരിക്കുന്നതല്ല. മുതിര്ന്നവര്ക്ക് 40 രൂപയും കുട്ടികള്ക്ക് 20 രൂപയുമാണ് ടിക്കറ്റ് നിരക്ക്. ഡാമിനു മുകളില്കൂടി സഞ്ചരിക്കുന്നതിനായി ബഗി കാര് സൗകര്യവും ലഭ്യമാണ്. ചെറുതോണി-തൊടുപുഴ പാതയില് പാറേമാവ് ഭാഗത്ത് നിന്നുള്ള റോഡിലൂടെയുള്ള ഗേറ്റിലൂടെയാണ് പ്രവേശനം. ചെറുതോണി ഡാമിന്റെ പ്രവേശന കവാടത്തിന് സമീപം ഹൈഡല് ടൂറിസം വകുപ്പ് ഡാം കാണുന്നതിനും ബഗികാര് യാത്രാസൗകര്യത്തിനുമുള്ള ടിക്കറ്റ് കൗണ്ടറും ക്രമീകരിച്ചിട്ടുണ്ട്. സുരക്ഷാ ക്രമീകരണങ്ങളുടെ ഭാഗമായി മൊബൈല് ഫോണ്, ക്യാമറ തുടങ്ങിയ ഇലക്ട്രോണിക് ഉപകരണങ്ങള് എന്നിവ കര്ശനമായി നിരോധിച്ചിട്ടുണ്ട്.
ഇതോടൊപ്പം ഇടുക്കി റിസര്വയറില് ബോട്ടിങ് സൗകര്യവും സന്ദര്ശകര്ക്ക് ലഭ്യമായിവരുന്നുണ്ട്. 20 പേര്ക്ക് ഒരേ സമയം യാത്ര ചെയ്യാന് സൗകര്യമുള്ള ബോട്ടാണ് ഇടുക്കി വൈല്ഡ് ലൈഫ് ഒരുക്കിയിട്ടുള്ളത്.
![](https://i0.wp.com/thodupuzhavartha.in/wp-content/uploads/2024/07/thodupuzha-ad-1-scaled.jpg?resize=708%2C2115&ssl=1)